нигерийәдә гөрүгә еливелинған түркийә пуқралири қутқузулди

нигерийәдә намәлум қораллиқ кишиләр гөрүгә еливалған 4 түркийә пуқраси қутқузувелинди.

1243383
нигерийәдә гөрүгә еливелинған түркийә пуқралири қутқузулди

түркийә авази радийоси хәвири: пайтәхт әбуҗадин тәхминән 500 километир йирақлиқтики квара өлкисидә өткән һәптә қораллиқ кишиләр тәрипидин тутуп кетилгән йасин чолақ, шәнәр паша, әргүн йурдақул вә сәйит әмрә чәлик сақчилар вә һәрбийләрниң һәмкарлишип паалийәт елип бериши нәтиҗисидә қутқузувелинди.

мәлуматларға қариғанда, түркийәниң әбуҗа баш әлчиханисиға елип берилған түркийә пуқралириниң саламәтлик әһвали йахши икән.

түркийәниң әбҗа баш әлчиси мәлиһ улуәрән, уда бир һәптидин буйан давамлашқан ғәм - қайғу вә әндишиләрниң ахирлашқанлиқини, түркийә пуқралирини баш әлчиханида көргәнликлири үчүн толиму хурсән икәнликлирини әскәртиш билән бир вақитта, тутуп кетилгән түркийә пуқралириниң нигерийә даирилири билән елип берилған қойуқ алақиләр нәтиҗисидә қутқузулғанлиқини қәйт қилди.

қутқузувелинған түркийә пуқралиридин йасин чолақ, достлири билән чайханида муңдишиватқанда чайханиға бесип киргән қораллиқ кишиләр тәрипидин мотсиклитқа миндүрүлүп, тутуп кетилгәнликлирини, уда бир һәптә кечиси йол йүрүп,  күндүзи йошурунғанлиқлирини тәкитләп мундақ деди: «күндүзи орманлиқта күтәттуқ, кечиси болса давамлиқ йол йүрәттуқ. бир һәптә бойичә пәқәт асаслиқ еһтийаҗлиримизла қамдалди. түркийәниң әбуҗа баш әлчиханисида болуштин өзимизни толиму шәрәплик һес қилимиз. бу басқучта бизгә йардәмчи болған даириләргә көптин- көп рәһмәт ейтимиз, әһвалимиз йахши, бизгә дуа қилған кишиләргә мниннәтдарлиқ билдүримиз.»



مۇناسىۋەتلىك خەۋەرلەر