нигерийә ислам һәрикити әзалири билән сақчилар арисида сүркилиш йүз бәрди

ғәрбий африқа дөлити нигерийәдә намайиш өткүзгән нигерийә ислам һәрикити әзалири билән сақчилар арисида сүркилиш йүз берип 6 адәм җенидин айрилди.

1240571
нигерийә ислам һәрикити әзалири билән сақчилар арисида сүркилиш йүз бәрди

түркийә авази радийоси хәвири: нигерийә ислам һәрикити байанатчиси йәһйа адаму байанат берип, пайтәхт абуҗадики намайишқа сақчиларниң мудахилә қилиши нәтиҗисидә йүз бәргән сүркилиштә 6 адәмниң җенидин айрилғанлиқини, 28 адәмниң йариланғанлиқини әскәртти.

у, «лидиримиз шәйх ибраһим закзакиниң қойуп берилишини тәләп қилип өткүзгән намайишимизға сақчилар мудахилә қилди, көп санда адәм йариланди» деди.

йаридарларниң бәзилириниң йарилиниш әһвалиниң еғир икәнликини, өлгәнләр саниниң ешип кетишидин әндишә қилиниватқанлиқини билдүргән адаму, нигерийә ислам һәрикитиниң бәзи әзалириниң хәвпсизлик күчлири тәрипидин назарәт астиға елинғанлиқини қәйт қилди.

нигерийә ислам һәрикити әзалири пайтәхт абуҗада өткүзгән намайишлири җәрйанида йолларни тосувелип, нигерийә мәмликәтлик җиддий әһвалларни башқуруш агентлиқиниң аптомобиллириға от қойуп бәрди.



مۇناسىۋەتلىك خەۋەرلەر