иран, америка вә чәт дөләтләргә җасуслуқ қилған кишиләрни тутқун қилғанлиқини уқтурди
иран дөләт бихәтәрлик ишлири (истихбарат) министири мәһмуд аләви, дөләттә «америка қошма иштатлири вә чәт дөләтләргә җасуслуқ қилған кишиләр» ниң назарәт астиға елинғанлиқини билдүрди.
1239698
түркийә авази радийоси хәвири: иранлиқ оқуғучилар хәвәр агентлиқиниң хәвәр қилишичә, министир аләви пайтәхт теһранда чақирилған ички кабинет йиғинидин кейин байанат берип: «һәрхил саһәләрдә вә муһим мәркәзләрдә америка қошма иштатлири вә чәт дөләтләр үчүн җасуслуқ билән шуғулланған кишиләрни байқидуқ. назарәт астиға алғандин кейин қанун органлириға тапшуруп бәрдуқ» дегән.
у, җасуслуқ билән шуғулланған кишиләрниң сани һәққидә мәлумат бәрмигән болсиму, америка мәркизий ахбарат идариси – CİA ға ишлигәнлики илгири сүрүлгән кишиләрниң кимликлириниң бүгүн ашкарилинидиғанлиқини сөзлиригә илавә қилди.
