seudi erebistan irangha qarshi chaqiriq élan qildi

seudi erebistan tashqi ishlar ministirliqigha mesul dölet ministiri adil eljubeyr iranning engliye paraxotini tutup qalghanliqigha qarshi xelqara jamaetchilikning heriketke ötüshi kéreklikini telep qildi.

seudi erebistan irangha qarshi chaqiriq élan qildi

türkiye awazi radiyosi xewiri: adil el jubeyr xelqara jamaetchilikke chaqiriq élan qilip, iranning erkin qatnashqa qilighan hujumigha qarshi heriketke ötüsh kéreklikini tekitlidi.

adil el jubeyr twittér hésabidin élan qilghan bayanatida: «erkin qatnashqa qilinghan her türlük hujum xelqara qanungha xilaptur» dédi.

iranning bu qétim engliyege tewe ammiwi paraxotni tutup qilishigha oxshash xelqara qanunni depsende qilish heriketlirini qetiy qobul qilishqa bolmaydighanliqini eskertken el jubeyr, xelqara jamaetchilikning bu xil heriketlerge qarshi jazalash xaraktérlik heriketlerge ötüshi lazimliqini bildürdi.

iranning jüme küni hurmuz boghuzida birsi engliye bayraqliq, yene birsi libériye bayraqliq ikki néfit paraxotini tutup qalghanliqi bildürülgen we engliye metbuatliri libériye bayraqliq paraxotningmu engliye shirketlirige tewe ikenlikini yazghan idi.

iran bolsa, engliye bayraqliq «Steno İmpero» namliq néfit paraxotining déngizchilik qaide - tüzümlirige riaye qilmighanliqi sewebidin tutup qilinghanliqini we libériye bayraqliq paraxotning bolsa, sepirini dawamlashturuwatqanliqini élan qilghan idi. 

4 iyulda engliye déngiz armiyesi jebil tariqta süriyege néfit toshuwatqanliqini ilgiri sürüp, irangha tewe bir néfit paraxotini tutup qalghan idi.

ispaniyening jenubidiki engliyege qarashliq jebili tariq aptonom rayoni iran néfit paraxotining yawropa ittipaqi teripidin süriyege yürgüzülgen émbargolargha xilapliq qilghanliqini seweb körsitip paraxotni tutup qalghan we iranmu «Grace 1» namliq néfit paraxotining tutup qilinghanliqigha qarshi «buning choqum tégishlik bedili bolidu» dep agahlandurush élan qilghan idi.

engliye déngiz armiyesige tewe bir etretning aldinqi hepte hurmuz boghuzida bir engliye néfit paraxotini toxtatmaqchi bolghan 3 iran katérini rayondin uzaqlashturghanliqi ilgiri sürülgen idi.

engliye bu weqelerge qarita öz paraxotlirini qoghdash üchün rayongha ikkinchi urush paraxotini ewetidighanliqini élan qildi.


خەتكۈچ: paraxot , iran , seudi erebistan

مۇناسىۋەتلىك خەۋەرلەر