iranning sabiq pirézidénti xatemi islahatchilarni saylamni bayqut qilmasliqqa chaqirdi

iranning sabiq pirézidénti muhemmed xatemi partiyelerdin ezalirining namzatliq salahiyiti élip tashlanghan teqdirdimu saylamni bayqut qilmay jesur kishiler bilen birlikte heriket qilishqa chaqirdi.

iranning sabiq pirézidénti xatemi islahatchilarni saylamni bayqut qilmasliqqa chaqirdi

türkiye awazi radiyosi xewiri: iranning sabiq pirézidénti muhemmed xatemi, islahatni teshebbus qilidighan partiyelerdin ezalirining namzatliq salahiyiti élip tashlanghan teqdirdimu saylamni bayqut qilmay jesur kishiler bilen birlikte heriket qilishqa chaqirdi.

iran islahatchilar partiyesi rehberliri bilen körüshken xatemi, islahatni teshebbus qilidighan namzatlarning salahiyitini asasiy qanunni muhapizet qilish komitétining bikar qiliwétishi we saylamni bayqut qilish qatarliq mesililer üstide toxtaldi.

islahatni yaqlaydighanlardin hemkarliq ichide saylamgha qatnishishni we namzatlarning chiriklikke ariliship qalmighan bolushqa diqqet qilishni telep qilghan xatemi: islahatchilarning namzatliq telipi qobul qilinmay nahayiti az sanda namzat qalghan teqdirdimu, islahatchilar qabil, étiqadliq we jesur kishiler bilen saylamgha qatnishishi kérek, dédi.

iranning eng serxil qoshunlirining chetke qéqilip gumanliq haletke chüshürülüp qoyulghanliqini éytqan xatemi mundaq dédi: «hakimiyet tüzülmisining yimrilidighanliqigha we iranning parchilinip kétidighanliqigha ishinidighanlarning sani heqiqeten az, hakimiyet tüzülmisining yimrilidighanliqigha ishinidighanlarning sanini köpeytidighan ishlarni qilmasliq kérek.öktichilerni we tenqid qilghuchilarni bu qatlamgha kirgüzüp bu qatlamni téximu kücheytmeslik lazim, birer xataliq ötküzüp qalsaq, bu hakimiyet tüzülmisige qarshi chiqquchilargha bahane bolup béridu.»

saylamning qanuniyliqini talash-tartishning  qilishning toghra emeslikini eskertken xatemi: saylamni bayqut qilish toghruluq xewerler tarqiliwatidu, bu tolimu xeterliktur. her qandaq ehwalda saylamni bayqut qilmasliq lazim, chünki saylam xelqning teqdirini belgilesh üchün özi biwaste ishtirak qilidighan eng muhim wastilardin biridur, dédi.

iranda 2020-yili 21-féwralda ötküzülidighan parlamént ezaliri saylimida islahatni teshebbus qilidighan namzatlarning namzatliq hoquqi asasiy qanunni muhapizet qilish komitéti teripidin bikar qilinidighanliqi toghruluq tarqalghan xewerler iranning qiziq nuqtiliridin birige aylinip qaldi.

islahatni yaqlaydighan siyasetchi, zhunalist we yazghuchi eli shuquhi «itimad»gézitide 10-iyulda maqale yézip, asasiy qanunni muhapizet qilish komitéti, iran döletlik téléwiziye qanili we imamlarning til biriktürüp reqiblirini hakimiyet sehnisidin yiraqlashturush üchün heriketke ötidighanliqlirini ilgiri sürgenidi. 


خەتكۈچ: islahat , saylam , iran , xatemi

مۇناسىۋەتلىك خەۋەرلەر