türk diplomatni qetl qilghan zorawangha yantayaq bolghan kishimu qolgha chüshti

erbildiki türkiye konsolxanisida xizmet qilidighan türk diplomatni qetl qilghan zorawangha yardem qilghan kishimu qolgha chüshti.

türk diplomatni qetl qilghan zorawangha yantayaq bolghan kishimu qolgha chüshti

türkiye awazi radiyosi xewiri: iraq kürt rayonluq hökümiti, erbildiki türkiye konsolxanisi xadimigha qarshi élip bérilghan hujumning bash pilanlighuchisi mezlum daghqa yardem qilghan bir kishining qolgha chüshkenlikini bildürdi.

erbil saqchi idarisi teripidin bu heqte élan qilinghan bayanatta mundaq déyildi: «erbildiki bir réstorangha hujum qilghan mezlum daghqa yardem qilghan <dijwar mamend yusuf>leqemlik muhemmed bisksiz qolgha chüshti.»

bayanatta, muhemmed bisksizni qolgha chüshürüsh herikiti toghruluq éniq melumat bérilmidi.

iraq kürt rayonluq hökümiti, erbildiki türkiye konsolxanisi xadimining jénigha zamin bolghan mezlum daghning qolgha chüshkenlikini uqturghanidi.

charshenbe küni erbildiki bir réstorangha qilinghan térrorluq hujumida, türkiyening erblidiki konsolxanisida xizmet qilidighan bir diplomat we ikki iraq puqrasi bolup jemiy üch kishi jénidin ayrilghanidi.

 


خەتكۈچ: zorawan , erbil , türkiye

مۇناسىۋەتلىك خەۋەرلەر