hamas heyiti iranda ziyarette bolmaqta

hamasning ezaliridin teshkil tapqan bir heyet, iranning paytexti téhranda ziyarette bolmaqta.

hamas heyiti iranda ziyarette bolmaqta

türkiye awazi radiyosi xewiri: ghezzediki islamiy qarshiliq körsitish herikiti hamasning ezaliridin teshkil tapqan bir heyet, iranning paytexti téhranda ziyarette bolmaqta.

hamas herikiti teripidin bu heqte élan qilinghan bayanatta, hamas siyasiy ishxanisi muawin mudiri salih el aruri bashchiliqidiki heyetning iranning paytexti téhranda uchrishishlar élip bériwatqanliqi bildürüldi.

bayanatta muawin mudir salih el aruridin bashqa heyette yene 8 kishining barliqi eskertildi.

ziyaretning bir nechche kün dawamlishidighanliqi bildürülgen bayanatta, ziyaret esnasida hamas herikiti heyitining bir qatar uchrishishlarni élip barghandin sirt yuqiri derijilik emeldarlar bilenmu körüshidighanliqi bayan qilindi. lékin bayanatta, hamas herikiti heyitining iran ziyaritining meqsiti toghruluq melumat bérilmidi.

istanbulda ötküzülgen bir paaliyetke widéo arqiliq qatnashqan hamas siyasiy ishxanisi bashliqi ismail henniye, yéqinda hamastin bir guruppa kishining téhranda uchrishish élip baridighanliqini éytqanidi.


خەتكۈچ: iran , hamas

مۇناسىۋەتلىك خەۋەرلەر