«türkiye armiyesi natodiki 2 – chong armiye»

türkiyening rim bash elchisi murat salim esenli türkiye armiyesining küresh qilish iqtidari yuqiri we hemishe urushqa teyyar halette turushtek alahidiliki bilen shimaliy atlantik ehdi teshkilatidiki  ikkinchi chong armiye ikenlikini éytti.

«türkiye armiyesi natodiki 2 – chong armiye»

türkiye awazi radiyosi xewiri: esenli italiyening paytexti rimdiki shimaliy atlantik ehdi teshkilati dölet mudapiesi aliy téxnikomi teripidin ötküzülgen, 33 dölettin polkownik we podpolkownik derijilik herbiyler hem puqrawi dairiler ishtirak qilghan  134 – qararliq uqush püttürüsh murasimida qilghan sözide, shimaliy atlantik ehdi teshkilati bilen türkiyening ittipaqdashliq rolining intayin muhimliqini tekitlesh bilen bir waqitta, türkiye armiyesining küresh qilish iqtidari yuqiri we hemishe urushqa teyyar halette turushtek alahidiliki bilen shimaliy atlantik ehdi teshkilatidiki  ikkinchi chong armiye ikenlikini qeyt qildi, siyasiy we herbiy bir teshkilat bolghan shimaliy atlantik ehdi teshkilatining démokratiye we qanunning üstünlükige asaslinidighan tinchliq we bixeterlikning simwoli ikenlikini eskertti. tepsiliy sénariyelerge qarimay 15 – 20 yil burunghiche héchkimning nöwette yüz bériwatqan siyasiy we iqtisadiy özgirishlerni texmin qilishining mumkin emeslikini éytqan esenli, shimaliy atlantik ehdi teshkilatining yéngi özgirishlerge maslishalighanliqini qeyt qildi, shimaliy atlantik ehdi teshkilati bash katipi stolténbérg éytqandkk, natoning tarixtin buyanqi eng küchlük we eng ghalib teshkilat ikenlikini, türkiye armiyesining her jehettin shimaliy atlantik ehdi teshkilatining eng qudretlik armiyesi ikenlikini, türkiyening insanperwerlik yardem paaliyetliri we tinchliq ornitish yolida körsitiwatqan tirishchanliqliri hem namayen qiliwatqan pidakarliqlirining qimmitini bilishning zörürlükini tekitlidi.



مۇناسىۋەتلىك خەۋەرلەر