«түркийә армийәси натодики 2 – чоң армийә»

түркийәниң рим баш әлчиси мурат салим әсәнли түркийә армийәсиниң күрәш қилиш иқтидари йуқири вә һәмишә урушқа тәййар һаләттә туруштәк алаһидилики билән шималий атлантик әһди тәшкилатидики  иккинчи чоң армийә икәнликини ейтти.

«түркийә армийәси натодики 2 – чоң армийә»

түркийә авази радийоси хәвири: әсәнли италийәниң пайтәхти римдики шималий атлантик әһди тәшкилати дөләт мудапиәси алий техникоми тәрипидин өткүзүлгән, 33 дөләттин полковник вә подполковник дәриҗилик һәрбийләр һәм пуқрави даириләр иштирак қилған  134 – қарарлиқ уқуш пүттүрүш мурасимида қилған сөзидә, шималий атлантик әһди тәшкилати билән түркийәниң иттипақдашлиқ ролиниң интайин муһимлиқини тәкитләш билән бир вақитта, түркийә армийәсиниң күрәш қилиш иқтидари йуқири вә һәмишә урушқа тәййар һаләттә туруштәк алаһидилики билән шималий атлантик әһди тәшкилатидики  иккинчи чоң армийә икәнликини қәйт қилди, сийасий вә һәрбий бир тәшкилат болған шималий атлантик әһди тәшкилатиниң демократийә вә қанунниң үстүнлүкигә асаслинидиған тинчлиқ вә бихәтәрликниң символи икәнликини әскәртти. тәпсилий сенарийәләргә қаримай 15 – 20 йил бурунғичә һечкимниң нөвәттә йүз бериватқан сийасий вә иқтисадий өзгиришләрни тәхмин қилишиниң мумкин әмәсликини ейтқан әсәнли, шималий атлантик әһди тәшкилатиниң йеңи өзгиришләргә маслишалиғанлиқини қәйт қилди, шималий атлантик әһди тәшкилати баш катипи столтенберг ейтқандкк, натониң тарихтин буйанқи әң күчлүк вә әң ғалиб тәшкилат икәнликини, түркийә армийәсиниң һәр җәһәттин шималий атлантик әһди тәшкилатиниң әң қудрәтлик армийәси икәнликини, түркийәниң инсанпәрвәрлик йардәм паалийәтлири вә тинчлиқ орнитиш йолида көрситиватқан тиришчанлиқлири һәм намайән қиливатқан пидакарлиқлириниң қиммитини билишниң зөрүрлүкини тәкитлиди.



مۇناسىۋەتلىك خەۋەرلەر