трамптин җумһурийәтчиләргә түркийә дәвити

америка қошма иштатлири пирезиденти доналд трамп түркийә вә «400 - с» башқурулидиған бомба мудапиә системиси мәсилиси тоғрулуқ музакирә елип бериш үчүн мәшһур палата әзалирини ақсарайға дәвәт қилди.

трамптин җумһурийәтчиләргә түркийә дәвити

түркийә авази радийоси хәвири: америка қошма иштатлирида чиқидиған «‹ Washington Post › гезити» ниң хәвәр қилишичә,   америка қошма иштатлири пирезиденти доналд трамп түркийә вә «400 - с» башқурулидиған бомба мудапиә системиси мәсилиси тоғрулуқ музакирә елип бериш үчүн мәшһур палата әзалирини ақсарайға дәвәт қилған болуп, учрииш сәйшәнбә күни шу җай вақти саәт 16 да ишқа ашурулидикән.

трамп түркийә һәққидә алдинқи күни елан қилған байанатида, барак обама һөкүмитиниң түркийәгә қарита хата сийасәтләрни йолға қойғанлиқини тәкитлигәниди. буниңдин бурун болса, «түркийәгә ембарго йүргүзәмсиз?» тәриқисидики бир соалға, «йақ, һазир бизниң бундақ қилиш нийитимиз йоқ» дәп җаваб бәргәниди.

алдинқи күни ақсарай вә дөләт мудапиә министирлиқи тәрипидин елан қилинған байанатларда, «400 - с» башқурулидиған бомба мудапиә системиси түпәйли түркийәниң « F-35» типлиқ уруш айропиланлири лайиһәсиниң бир қисми болмайдиғанлиқи, шуниң билән бир вақитта, америка қошма иштатлириниң түркийә билән болған истиратегийәлик мунасивәтлиригә һазирму наһайити зор әһмийәт берип келиватқанлиқи қәйт қилинғаниди.



مۇناسىۋەتلىك خەۋەرلەر