seudi erebistan misirliq haji namzatlirini qayturuwetti

seudi erebistan sayahet wizisi bilen muqeddes jaygha barghan misirliq 300 haji namzatining döletke kirishige ruxset qilmidi.

seudi erebistan misirliq haji namzatlirini qayturuwetti

türkiye awazi radiyosi xewiri: misirda chiqidighan «‹exbarulyewm› géziti» ning xewer qilishiche, seudi erebistan sayahet wizisi bilen muqeddes jaygha barghan misirliq 300 haji namzatining döletke kirishige ruxset qilmighan we misirgha qayturuwetken.

bu heqte yazma bayanat élan qilghan misir tashqi ishlar ministirliqi, hej ishliri shirketlirining wasitisi arqiliq hej wizisining sirtida «sayahet» we «ziyaret» qatarliq wizilarni alghan haji namzatlirining misirdin chiqishigha ruxset qilinmaydighanliqini uqturghan.

misir hawa yolliri shirkiti (Egypt Air) tunji hej karwini olturghan ayropilanning  aldinqi küni muqeddes jaygha qarap uchqanliqini uqturghanidi. shirket mesulliri, bu yil 70 ming haji namzati üchün 300 ayropilan seperlirining ishqa ashurulushining pilanlanghanliqini bildürgenidi.



مۇناسىۋەتلىك خەۋەرلەر