сәуди әрәбистан мисирлиқ һаҗи намзатлирини қайтурувәтти

сәуди әрәбистан сайаһәт визиси билән муқәддәс җайға барған мисирлиқ 300 һаҗи намзатиниң дөләткә киришигә рухсәт қилмиди.

сәуди әрәбистан мисирлиқ һаҗи намзатлирини қайтурувәтти

түркийә авази радийоси хәвири: мисирда чиқидиған «‹әхбарулйәвм› гезити» ниң хәвәр қилишичә, сәуди әрәбистан сайаһәт визиси билән муқәддәс җайға барған мисирлиқ 300 һаҗи намзатиниң дөләткә киришигә рухсәт қилмиған вә мисирға қайтурувәткән.

бу һәқтә йазма байанат елан қилған мисир ташқи ишлар министирлиқи, һәҗ ишлири ширкәтлириниң васитиси арқилиқ һәҗ визисиниң сиртида «сайаһәт» вә «зийарәт» қатарлиқ визиларни алған һаҗи намзатлириниң мисирдин чиқишиға рухсәт қилинмайдиғанлиқини уқтурған.

мисир һава йоллири ширкити (Egypt Air) тунҗи һәҗ карвини олтурған айропиланниң  алдинқи күни муқәддәс җайға қарап учқанлиқини уқтурғаниди. ширкәт мәсуллири, бу йил 70 миң һаҗи намзати үчүн 300 айропилан сәпәрлириниң ишқа ашурулушиниң пиланланғанлиқини билдүргәниди.



مۇناسىۋەتلىك خەۋەرلەر