amérikida musulman palata ezasi ilxan ömerni qollash dolqini kötürüldi

türkiye awazi radiyosi xewiri: amérikaning nurghunlighan siyasetchiliri, paaliyetchiliri we jamaet erbabliri twittér hésabliridin élan qilghan bayanatlirida, «men ilxan ömerning yénida» dégen xetküchlük sözliri bilen ilxan ömerni qollidi.

wérmunt palata ezasi we démokratchilarning 2020 – yilliq pirézidént namzat namzati börniy sandérs twittérdin élan qilghan bayanatida, ilxan ömer bilen palatada birlikte xizmet qilishtin iptixarlinidighanliqini bildürdi.

börniy sandérs: «tramp xelq ammisi ichidiki eng peskesh we biaram qilghuchi éqimlarni béqip semritmekte, dölitimiz tarixidiki eng xeterlik pirézidéntni yéngish üchün birlikte küresh qilishimiz lazim» dédi.

démokratchilarning 2020 – yilliq yene bir pirézidént namzat namzati shundaqla palata ezasi kamala harris bolsa, trampning sözliri üstide toxtilip, «qorqunchaqlarche chet elliklerge düshmenlik qilish we irqiy ayrimchiliq» dep baha berdi we mundaq dédi: «bular pirézidéntliq ishxanisini meynet qilmaqta. trampni ishxanidin qoghlap chiqirish we döletni birleshtürüsh waqti yétip keldi.»

 démokratchilarning 2020 – yilliq yene bir pirézidént namzat namzati élizabét warrén bilen birge bezi siyasetchiler, paaliyetchiler, yehudiy organliri we téléwiziye pirogrammichilirimu oxshash bayanatlarni élan qilip, ilxan ömerning yénida ikenliklirini tekitlidi.

donald tramp özini tenqid qilghan musulman palata ezasi ilxan ömer, rashide tilaib, aléksandira okasiyo kortéz we ayanna pirésléyge aldinqi hepte axirida twittérdin naraziliq bildürgen idi.

donald tramp aldinqi küni shimaliy karolinadiki saylam xizmetliri jeryanida mezkur ayal patala ezalirini hujum nishani qilghan halda, «döletliringlargha qaytip kétinglar!» dégen idi.

donald trampning qollighuchilirimu «ömerni dölettin qoghlap chiqar!» dégen shoarlarni towlighan yighishlishta, trampning meydandiki ammini jim qilishqa urunmasliqi amérikada qattiq naraziliq yaratqan idi.