әрбилдики террорлуқ һуҗумини пәйда қилғучилардин бириниң кимлики елан қилинди
ирақниң шималидики әрбил шәһиридә чаршәнбә күни бир ресторанда мәйданға кәлгән һуҗумни садир қилғучилардин бириниң кимлики елан қилинди.
1238733
түркийә авази радийоси хәвири: ирақ корд районлуқ һөкүмитигә қарашлиқ җамаәт хәвпсизлик идариси йазма байанат елан қилип, түркийәниң әрбилдики консулханисида ишләйдиған бир киши шеһит қилинған, 2 ирақ пуқраси һайатидин айрилған һуҗумниң җавабкарлиридин бириниң кимлик учурлирини ортақлашти.
байанатта, һуҗумниң җавабкарлириниң бириниң 1992 – йили дийарбакирда дунйаға кәлгән мазлум дағ икәнлики қәйт қилинди.
һуҗумчиниң фото – сүритинму ортақлашқан мәзкур сақчи идариси, бу киши һәққидә мәлуматқа игә аһалини хәвпсизлик күчлиригә әһвал мәлум қилишқа чақирди.
байанатта, хәвпсизлик күчлириниң һуҗумчини издәш хизмәтлирини давамлаштуруватқанлиқи тәкитләнди.
