zerif iranning amérika bilen söhbet ötküzüsh shertini otturigha qoydi

iran tashqi ishlar ministiri muhemmed jewad zerif, amérika qoshma ishtatliri téhrangha achqan «iqtisadiy urush» qa xatime bergen teqdirde, tramp hökümiti bilen söhbet ötküzüshlirining mumkinlikini éytti.

zerif iranning amérika bilen söhbet ötküzüsh shertini otturigha qoydi

türkiye awazi radiyosi xewiri: muhemmed jewad zerif birleshken döletler teshkilati (b d t) merkiziy binasida muxbirlargha bayanat bérip, amérikani irangha «iqtisadiy urush» échish bilen eyiblidi.

zerif, iranning amérika bilen söhbet ötküzüshining deslepki qedimining némilerdin ibaret bolushi kérekliki toghrisidiki bir soalgha jawab bérip, «amérika qoshma ishtatliri irangha iqtisadiy urush achmaqta, bu (urush) puqralarni zerbe obyékti qilmaqta, puqralargha wehime salmaqta. bu térrorluq qlish dégenlik bolidu. amérika buninggha xatime berse, bashqa ishlarning dawami kélidu» dédi.

u, amérikining özi we nyu yorktiki iranliq diplomat bilen ularning aile – tawabiatlirigha yürgüzgen sayahet cheklimisining «insaniy emesliki» ni éytti.

amérika tashqi ishlar ministirliqi, nyu yorkta sayahet cheklimisi qoyghan zerifning peqet b d t, iran daimiy wakaletxanisi, daimiy wakaletxana turalghusi we ayrodurumgha bérishigha yol qoyghanidi.

amérikining b d t diki daimiy wakaletxanisimu iran daimiy wakaletxanisigha mektup yollap, mezkur cheklimilerning iranliq diplomatlar bilen ularning aile – tawabiatlirighimu yürgüzülidighanliqini uqturghanidi.

amérika dairiliri, 2015 – yili imzalanghan yadro kélishimidin 2018 – yili mayda bir tereplime halda chékingendin kéyin téhrangha émbargo yürgüzüshni qaytidin bashlighanidi.

iran kélishimge terep bolghan b d t  xewpsizlik kéngishining ezaliri we gérmaniyedin kélishimni saqlap qélishni telep qilghan, biraq telep orundalmighanidi. shuning bilen téhran dairiliri, kélishimde körsitilgen uran zapaslash miqdarini 1 – iyulda, quyuqlandurulghan uzan miqdarini bolsa 8 – iyunda chektin ashurghanliqini uqturghanidi.


خەتكۈچ: amérika , iran

مۇناسىۋەتلىك خەۋەرلەر