җәнубий қибрис түркийә билән һәмкарлишиш керәкликини тәкитлиди

җәнубий қибрис рум һакимийти ташқи ишлар министири никос христодовлидис (Nikos Hristodoulidis) түркийә билән һәмкарлиқ орнитилишниң шәрқий ақдеңиздики барлиқ тәрәпләргә пайдилиқ икәнликини ейтти.

1237772
җәнубий қибрис түркийә билән һәмкарлишиш керәкликини тәкитлиди

түркийә авази радийоси хәвири: һидро карбон мәнбәлирини башқуруш мәсилисидә қибрис түрклириниң тәклипини рәт қилған җәнубий қибрис рум һакимийитиниң ташқи ишлар министири никос христодовлидис, економист (Economist) журнилиниң гиретсийәдә өткүзгән әнәниви конферансида сөз қилди.

у җәнубий қибрисниң мәсилини һәл қилиш вә өзара йахши һәмкарлиқни мәқсәт қилғанлиқини билдүрүп: «түркийә билән һәмкарлиқ орнитиш барлиқ тәрәпләргә пайдилиқ» деди.

у дийалог вә һәмкарлиқ орнитиштин башқа еһтималлиқларниң йоқ икәнликини әскәртип: «пәқәт түркийә билән дийалоә арқилиқла райондики мәсилиләргә қандақ һәл қилиш чариси тапалайдиғанлиқимизға қарар қилалаймиз. җуғрапийәни өзгәртәлмәймиз, райондики мәсилиләргә райондики дөләтләр билән һәл қилиш чариси тепишқа мәҗбурмиз» деди.

җәнубий қибрис рум һакимийити шималий қибрис түрк җумһурийити сунған «һидро карбон мәсилисидә ортақ комитет қуруш тәклипи» ни рәт қилған иди.

түркийә районға төтинчи бурғилаш парахотини әвәтидиғанлиқини җакарлиған болуп, фатиһ бурғилаш парахоти шәрқий ақдеңиздики тәвәликидә؛ барбарос һайрәттин паша парахоти билән йавуз бурғилаш парахоти шималий қибрис түрк җумһурийитиниң түрк нефит ширкити гуруһиға рухсәт қилған җайларда бурғилаш вә тәкшүрүш хизмәтлирини давамлаштурмақта.



مۇناسىۋەتلىك خەۋەرلەر