tramp türkiye heqqide bayanat élan  qildi

türkiye awazi radiyosi xewiri: tramp aqsarayda bu heqte élan qilghan bayanatida, amérika qoshma ishtatlirining sabiq pirézidénti barak obama dewride, washingtonning enqerege «wetenperwer» namliq bashqurulidighan bomba  sétip bermeslikini tenqid qildi, shu wejidin, türkiyening rusiyedin «400 - s» bashqurulidighan bomba mudapie sistémisi sétiwélish yolida izdengenlikini, türkiye dairiliri bilen bu heqte söhbet élip barghanliqlirini tekitlep mundaq dédi: «rastini éytqanda, türkiye bilen diplomatik munasiwetlirimiz bar, emma munasiwetlirimiz intayin murekkep. barak obama hökümiti türkiyege <wetenperwer> namliq bashqurulidighan bomba sétip bermidi, türkiye bu heqte nahayiti zor tirishchanliq körsetken bolsimu, lékin obama hökümiti sétip bérishke köngülshimidi. shuning bilen, türkiye rusiyedin <400 – s> bashqurulidighan bomba mudapie sistémisi sétiwaldi. buni körüp dölitimiz, <emdi silerge <wetenperwer> namliq bashqurulidighan bomba sétip bérimiz> dédi, lékin bu chaghda türkiye rusiye bilen alliqachan kélishim tüzüp bolghanidi. chünki türkiye dairilirining dölitimizdin <wetenperwer> namliq bashqurulidighan bomba sétiwélishigha izin bérilmigenidi. türkiye shimaliy atlantik ehdi teshkilatining ezasi bolup, 100 din artuq <wetenperwer> namliq bashqurulidighan bomba zakas qilghan, téximu köp sétiwélish pilani tüzgenidi.»

türkiye we jumhur reis rejep tayyip erdoghan bilen bolghan munasiwetlirining nahayiti yaxshi ikenlikini eskertken tramp, mundaq dep körsetti: «türkiye bizge nahayiti yaxshi pozitsiye tutup kéliwatidu. türkiye rusiyedin <400 – s> bashqurulidighan bomba mudapie sistémisi sétiwélishqa mejbur bolup qalghanliqi üchün, biz türkiyege  <F-35> tipliq urush ayropilanlirini sétip bermeydighanliqimizni éytiwatimiz. türkiye dairiliri nahayiti qiyin sharaitni bashtin kechürüwatidu, bizmu nahayiti qiyin ötkelni bashtin kechürüwatimiz, bu qiyinchiliqlarni qandaq yiéngeleydighanliqimizgha qaraymiz.»

u yene, amérika qoshma ishtatlirining türkiyege « F-35» tipliq urush ayropilanlirini sétip bermeslikining, bu ayropilanlarning ishlepchiqarghuchisi lokhéd martin guruhining qattiq naraziliqni qozghawatqanliqini, chünki bushirketke nisbeten buning minglarche kishini ishqa orunlashturush imkaniyiti yaritip bérish dégen uqumni bildüridighanliqinimu sözlirige ilawe qildi.