америка авам палатаси сәуди әрәбистан әйибләнгән лайиһәни мақуллиди

америка авам палатаси сәуди әрәбистанлиқ журналист җәмал қашиқчи җинайтиниң җавабкарлирини ашкарилаш тәләп қилинған вә сәуди әрәбистанниң кишилик һоқуққа хилап қилмишлири әйибләнгән икки қанун тәклип лайиһәсини мақуллиди.

1236403
америка авам палатаси сәуди әрәбистан әйибләнгән лайиһәни мақуллиди

түркийә авази радийоси хәвири: америка авам палатаси вәкиллири омумий кеңәштә авазға қойулған қанун тәклип лайиһәсидә, сәуди әрәбистанни әйиблиди.

вашингтон почтиси гезитиниң йазғучиси болған сәуди әрәбистанлиқ җәмал қашиқчиниң өлтүрүлүшидә җавабкарлиқи болған йаки өлтүрүш буйруқини бәргәнләрни ашкарилаш тәләп қилинған қанун тәклип лайиһәси, йәттә авазға қарши 405 авазниң қоллиши билән қобул қилинди.

қанун тәклипидә, америка истихбарат идариси директориниң җинайәт җавабкарлирини җәмийәткә ашкарилиши вә бу кишиләргә виза чәклимиси қойуш тәләп қилинди.

мәзкур қанун тәклипиниң җумһурийәтчиләр көп салмақни игиләйдиған кеңәш палатасида қобул қилинишиниң қийин икәнлики әскәртилмәктә.

америка авам палатаси йәнә, сәуди әрәбистанлиқ айал паалийәтчиләрниң түрмигә қамилишини әйиблигән қанун тәклип лайиһәсиниму авазға қойуп қобул қилди.

америка конгрәси буниңдин бурун җәмал қашиқчи җинайитигә, сәуди әрәбистан вәлиәһди шаһзадиси муһәммәд бин сәлманниң җавабкар йаки әмәсликини очуқ оттуриға қойуш тәләп қилинған бир қанун лайиһәсини, пирезидент трампқа әвәткән. бирақ, трамп қануний җәһәттин 120 күн ичидә конгрәгә җаваб бериши керәк болған тәләп тоғрисида һечқандақ байанат елан қилмиди.

америка кеңәш палатаси җәмал қашиқчи җинайитигә шаһзадә сәлманниң җавабкар икәнликини қобул қилған қанун тәклипини тәстиқлиған вә бу арқилиқ җинайәт сәвәбидин сәлманни очуқ-ашкара әйиблигән иди. сәуди әрәбийстанлиқ журналист җәмал қашиқчи 2018-йили 2-өктәбирдә той рәсмийәтлирини беҗириш үчүн истанбулдики сәуди әрәбистан консулханисиға барғанда вәһшийләрчә өлтүрүлгән иди.

америка пирезиденти доналд трамп 2019-йили апрелда йәмәндә давам қиливатқан урушта, сәуди әрәбистанға қилиниватқан һәрбий йардәмни тохтитиш тәләп қилинған қанун тәклипини рәт қилған иди.   



مۇناسىۋەتلىك خەۋەرلەر