xitay trampning soda urushi heqqidiki sözlirige naraziliq bildürdi

xitay tashqi ishlar ministirliqi amérika pirézidénti donald tramp mushu yilning ikkinchi charikide xitay iqtisadining %6.2 lik éshishi heqqide toxtalghanda, bu astilashning soda urushining netijisi ikenlikini éytqanliqigha naraziliq bildürdi.

xitay trampning soda urushi heqqidiki sözlirige naraziliq bildürdi

türkiye awazi radiyosi xewiri: xitay tashqi ishlar ministirliqining bayanatchisi ging shuang axbarat élan qilish yighinida, pirézidént tramp éytqan «xitayning iqtisadi nahayiti astilighanliqi üchün amérika bilen derhal kélishim tüzüsh ümidide bolghanliqi» heqqidiki sözlerning, xata signal béridighanliqini bildürdi.

u dunya iqtisadining éshishidiki éniqsizliqlargha we muqimsizliqlargha qarighanda, xitayning ichki ishlepchiqirish omumiy qimmitining yaxshi ikenlikini eskertip, xitay hökümitining öz aldigha kélishim hasil qilish arzusining yoqluqini qeyt qildi.

u amérikadiki nurghun saheler we istémalchilarning xitay malliridin qoshumche baj élishqa narazi ikenlikini bildürüp: «xitay bilen amérikaning ikki terepke paydiliq bolghan kélishim tüzüshi, ikki döletning xelqige paydiliq bolushtin sirt, oxshash waqitta yene, bu xelqaraliq jemiyetningmu arzusidur» dédi.

xitay döletlik istatistika idarisi xitay iqtisadining bu yilning ikkinchi charikide %6.2, bu yilning deslepki yérimida bolsa %6.3 ashqanliqini élan qilghan idi.

amérika pirézidénti donald tramp twittérda xitay döletlik istatistika idarisining bayanati heqqide, xitay iqtisadida yéqinqi 27 yilda eng töwen éshishning körülgenlikini eskertip: «amérika yolgha qoyghan baj siyasiti shirketlerning xitaydin ayrilip qoshumche baj élinmaydighan döletlerge kétishige chong tesir körsetti, minglarche shirket xitaydin chiqip kétiwatidu. bu sewebtin kélishim tüzüshni xalaydu» dédi.



مۇناسىۋەتلىك خەۋەرلەر