tramp nopus sanashta puqraliq soali sorashtin waz kechti

türkiye awazi radiyosi xewiri: pirézidént donald tramp amérika jemiyitide zor talash-tartish qozghighan puqraliq soalidin waz kechti.

pirézidént tramp aqsarayda bu heqte bayanat élan qilip, nopus sanashqa puqraliq soali qoshush ishliridin waz kéchilgen bolsimu, barliq qanuniy yollardin paydilinip kimlerning amérika puqrasi ikenliki yaki emeslikini éniqlap chiqidighanliqlirini bildürdi. u mundaq dédi:

«20 milyard dollar xejlep nopus sanaymiz, biraq kishilerdin amérika puqrasi yaki emeslikini soriyalmaymiz, bu nahayiti külkilik.»

u mezkur mesilide pirézidéntliq qarari chiqirish hoquqining barliqini eskertip, hazirche bu yolni tallighanliqini qeyt qildi.

u 2020-yili élip bérilidighan nopus sanashta, choqum puqraliq soali bolushni telep qilghanliqlirini élan qilghan, emma bu qarar sotning tosqunluqigha uchrighan idi.

amérika aliy soti nopus sanashqa puqraliq soali qoshush sewebining éniq emeslikini, shunga puqraliq soali qoshushning muwapiq emeslikini élan qilghan idi.

amérika edliye ministirliqimu bayanat élan qilip, aliy sotining qararigha boysunidighanliqini, buninggha asasen kéler yili élip bérilidighan nopus sanashqa qatnishidighanlarning puqraliqigha munasiwetlik héchqandaq soal soralmaydighanliqini qeyt qildi.

pirézidént tramp nopus sanashqa puqraliq soali qoshush heqqide pirézidéntliq qararnamisi chiqirishni pilanlighanliqini bildürgen idi.

amérikada 10 yilda bir qétim memliket miqyasida öylerge pochta ewetish arqiliq élip baridighan nopus sanash ishlirigha, soda ministirliqigha qarashliq nopus idarisi mesul bolidu. 2020-yilidin bashlap nopus sanash ishlirining köpinchisining intérnét arqiliq bolidighanliqi bildürülmekte.