судан мувәққәт һәрбий кеңиши: йеңи бир қетимлиқ һәрбий өзгириш қозғаш урунушиниң алди елинди

судан мувәққәт һәрбий кеңиши, суданда йеңи бир қетимлиқ һәрбий өзгириш қозғашқа урунуш һәрикитиниң алдиниң елинғанлиқини уқтурди.

судан мувәққәт һәрбий кеңиши: йеңи бир қетимлиқ һәрбий өзгириш қозғаш урунушиниң алди елинди

түркийә авази радийоси хәвири: судан мувәққәт һәрбий кеңиши, суданда йеңи бир қетимлиқ һәрбий өзгириш қозғашқа урунуш һәрикитиниң алдиниң елинғанлиқини, һәрикәткә башламчилиқ қилған кишиниң қолға чүшүрүлгәнликини уқтурди.

мувәққәт һәрбий кеңиш қармиқидики хәвпсизлик вә мудапиә комитети башлиқи генерал - полковник җәмал өмәр суда дөләт телевизийә қанилиға байанат берип, армийә вә дөләт бихәтәрлик идарсиниң нөвәттә хизмәт қиливатқан вә дәм елишқа чиққан хадимлириниң ишқа ашурмақчи болған һәрбий өзгиришиниң мәғлубийәт билән ахирлашқанлиқини, һәрикәткә башламчилиқ қилған қомандан билән 7 нәпири актип хизмәт қилишватқан җәмий 12 офетсир билән 4 нәпәр лейтинант офетсирниң назарәт астиға елинғанлиқини билдүрди.

генерал - полковник өмәр, алди елинған һәрбий – сийасий өзгириш қозғашқа урунуш һәрикитиниң өктичиләрниң йуқири дәриҗилик уйушмиси болған «әркинлик вә өзгириш күчлири» билән һасил қилинидиған һәл қилғуч келишимгә зийан йәткүзүшни нишан қилғанлиқини илгири сүрди.

мувәққәт һәрбий кеңишиниң байанатчиси шәмшуддин кәббаши, ийун ейидиму бир түркүм әскәр вә сийасәтчиниң һәрбий – сийасий өзгириш қозғашқа урунғанлиқини уқтурғаниди.



مۇناسىۋەتلىك خەۋەرلەر