amérika ottura sherqte yéngi bir herbiy ittipaq qurushni pilanlawatqanliqini uqturdi

amérika dairiliri, téhran bilen washington arisidiki soghuqchiliqlar dawamlishiwatqan bir peytte, iran we yemen déngiz tewelikini «muhapizet qilish» üchün amérika bashchiliqida bir herbiy birleshme qurushqa teyyarliniwatqanliqini uqturdi.

amérika ottura sherqte yéngi bir herbiy ittipaq qurushni pilanlawatqanliqini uqturdi

türkiye awazi radiyosi xewiri: amérika armiyesi bash ishtab bashliqi joséf dunford, amérikining yéngi birleshmini teshkillesh pilani toghrisida muxbirlargha melumat berdi.

u, iranning xelqara déngizdiki heriketlirini endishe ichide közitiwatqanliqlirini bildürüp, hurmuz boghuzi bilen babulmendepte «déngiz qatnishining erkinliki we bixeterliki» ni kapaletke ige qilidighan bir birleshme teshkillesh meqsitide bezi döletler bilen körüshüwatqanliqlirini qeyt qildi.

amérikining qurulidighan herbiy ittipaqqa bashlamchiliq qilidighan paraxotlarni teminlishi we közitish paaliyetlirige rehberlik qilishining pilanliniwatqanliqini eskertken dunford, «bir qanche hepte ichide qaysi döletlerning bu pilanni qollaydighanliqi heqqide siyasiy iradisini namayan qilidighanliqini bilgen bolimiz. arqidin bu döletlerning armiyeliri bilen xizmetlerni dawamlashturimiz» dédi.

dunya néfit toshumichiliqining beshtin birige yéqini hurmuz boghuzi arqiliq ishqa ashurulidu. amérika 2015 – yili imzalanghan yadro kélishimidin chékinip chiqqandin kéyin, iranning néfit éksportini nölge chüshürüsh meqsitide émbargolarni qaytidin yolgha qoyghanidi.

iran bolsa, néfit éksport qilalmighan teqdirde hurmuz boghuzini taqiwétishining mumkinlikini éytip tehdit salghanidi.

amérika dairiliri bolsa, émbargo arqiliq bésim ishlitip iranni yéngi bir kélishim tüzüshke qayil qilishqa tirishmaqta.


خەتكۈچ: ittipaq , iran , yemen , ottura sherq , amérika

مۇناسىۋەتلىك خەۋەرلەر