pompiyo qatar emiri bilen körüshti

amérika tashqi ishlar ministiri mayk pompéyo bilen qatar emiri sheyx temim bin hemed al sani, ikki terep munasiwetliri we iranni öz ichige alghan rayongha alaqidar köpligen mesililer toghrisida sözleshti.

pompiyo qatar emiri bilen körüshti

türkiye awazi radiyosi xewiri: amérika tashqi ishlar ministirliqi bayanatchisi morgan ortagus, mayk pompéyoning paytext washingtonda dölet ishliri ziyaritide boluwatqan qatar emiri sheyx temim bin hemed al sani bilen ötküzgen uchrishishi toghrisida yazma bayanat élan qilip, «ministir pompiyo qatarning yéqin ortaqliq we dostluqi üchün emirge rehmet éytti. ministir bilen emir, rayondiki éghir jiddiychilik we pars qoltuqi hemkarliq kéngishining iranning muqimsizlashturghuchi heriketlirige qarshi turushtiki ehmiyitini tekitlep ötti» dégen ibarilerge orun bérildi.

bayanatchi yene, pompiyo bilen sheyx temimning sudan, liwiye we afghanistanni öz ichige alghan rayongha alaqidar mesililernimu muzakire qilghanliqini bildürdi.

qatar emiri aldinqi küni aqsarayda pirézidént donald tramp bilen körüshüp, 5 türlük kélishim imzalighan, amérika bilen qatarning iqtisadiy we herbiy hemkarliqini kücheytish iradisini otturigha qoyup ötkenidi.


خەتكۈچ: qatar , amérika

مۇناسىۋەتلىك خەۋەرلەر