хитай америка билән сода музакирилирини қайта башлайдиғанлиқини елан қилди

хитай сода министирлиқи америка билән сода музакирилирини қайта башлайдиғанлиқини елан қилди.

хитай америка билән сода музакирилирини қайта башлайдиғанлиқини елан қилди

түркийә авази радийоси хәвири: хитай сода министирлиқи байанатчиси гуа фиң пайтәхт бейҗиңда чақирған ахбарат елан қилиш йиғинида: «хитай вә америка һәйәтлири икки дөләт рәһбәрлириниң ийун ейида йапонийәниң саһибханлиқида өткүзүлгән г 20 дөләтләр гуруһи рәһбәрләр йиғинида һасил қилған пикир бирликигә бинаән баравәрлик вә өзара һөрмәтни асас қилған сода музакирилирини қайтидин башлайду» дегәнләрни қәйт қилди.

хитай тәрәпниң асаслиқ мәнпәәт вә әндишлириниң мунасип шәкилдә музакирә қилиниши керәкликини тәкитлигән гуа фиң, һәр икки тәрәпниң баравәр дийалог йоли арқилиқ нормал әндишилиригә етибар берилгән тәқдирдә, мәсилиләргә қарита һәр икки дөләт вә хәлқниң мәнпәәтигә уйғун һәл қилиш чариси тапқили болидиғанлиқини ейтти.

гуа фиң һәр икки тәрәп һәйәтлири ариисида йеқин алақә давамлишиватқанлиқини билдүрди, лекин музакириләрниң қачан вә қайси дөләтниң пайтәхтидә өткүзүлидиғанлиқи һәққидә мәлумат бәрмиди.

хитайниң муавин баш министири лйу хе америка малийә министири стевен минучин вә америка сода ишлири вәкили роберт лайтизер билән сәйшәнбә күни кечидә телефонда көрүшкән һәмдә ши җинпиң билән доналд трампниң йапонийәдики г 20 дөләтләр гуруһи рәһбәрләр йиғинида келишкән темилириниң әмәлгә ашурулуши җәһәттә пикир алмаштурған иди.

хитай мәркизий малийә вәиқтисадий рәһбәрләр гуруһи ишханиси башлиқи шундақла муавин баш министири лйу хе хитай һөкүмитиниң баш музакиричиси болуш сүпитидә, хитай - америка сода музакирилиригә рийасәтчилик қилмақта.

йапонийәдики г 20 дөләтләр гуруһи рәһбәрләр йиғинида, ши билән трампниң учришишида сода музакирилирини давамлаштуруш қарари елинған иди.

доналд трамп 300 милйард долларлиқ хитай маллириға қошумчә таможна беҗи қойуш пиланини вақтинчә тоңлитип қойғанлиқини елан қилған вә кейинчә хитайниң хуавей ширкитигә қаритилған чәклимиләрниңму әмәлдин қалдурулидиғанлиқиға даир йешил чирағ йаққан иди.

икки дөләт оттурисида алдинқи йили март ейида башланған сода уруши өзара қошумчә таможна беҗи қойуш һәрикәтлиригә сәһнә болған болуп, ахирида бу уруш хитайниң техника ширкәтлиригичә кеңәйгән иди.



مۇناسىۋەتلىك خەۋەرلەر