америка шималий корейәни йадро пирограммилирини тохтитишқа чақириқ қилди

америка йадро қоралларни йоқутуш һәрикитиниң башлиниши сүпитидә, шималий корейәниң йадро пирограммилирини тохтитишини үмит қилидиғанлиқини елан қилди.

америка шималий корейәни йадро пирограммилирини тохтитишқа чақириқ қилди

 

 

түркийә авази радийоси хәвири: америка шималий корейә билән бу ай өткүзүлиши пиланланған йеңи учришиштин илгири йадро қоралларни йоқутуш һәрикитиниң башлиниши сүпитидә, йадро пирограммилириниң тохтитилиши керәкликини үмит қилидиғанлиқини елан қилди. 

америка пирезиденти доналд трамп алдинқи айниң ахири шималий корейә рәһбири ким җоңун билән җәнубий корийә вә шималий корейә оттурисидики қоралсизлаштурулған районда күтүлмигән бир шәкилдә көрүршкән һәмдә тоңлитип қойулған йадро музакирилирини қайтидин башлашни қобул қилған иди.

америка ташқи ишлар министири майк помпео кейинки учришишниң бәлким ийул ейида йаки алдимиздики икки - үч һәптә ичидә өткүзүлидиғанлиқини билдүргән иди.

америка ташқи ишлар министирлиқи байанатчиси морган ортагус ахбарат елан қилиш йиғинида «йадро пирограммилириниң тохтитилиши силәр билгәндәк һәргизму бу һәрикәтниң һәл қилиш чариси болалмайду, шуниңдәк һәрикәтниң ахирилишишиму болмайду» деди.

морган ортагус: «бу башлиништа биз көрүшни халайдиған бир иш бар, уни һөкүмәт ахириқи нишан сүпитидә бекиткән дәп қаримаймән» деди.

 

 



مۇناسىۋەتلىك خەۋەرلەر