دۇنيا نوپۇسىنىڭ 2055 - يىلىدا 10 مىلياردقا يېتىشى مۆلچەرلەنمەكتە
دۇنيا نوپۇسىنىڭ 2055 يىلىدا 10 مىلياردقا ۋە 2100 – يىدا بولسا، 11 مىليارد 200 مىليونغا يېتىشى تەخمىن قىلىنماقتا.
تۈركىيە ئاۋازى رادىيوسى خەۋىرى: 11 – ئىيۇل دۇنيا نوپۇس كۈنى مۇناسىۋىتى بىلەن ب د ت نوپۇس فوندى جەمئىيىتى تەرىپىدىن ئېلان قىلىنغان سانلىق مەلۇماتلارغا ئاساسلانغاندا، دۇنيا نوپۇسى ئىككى مىڭ يىل ئىلگىرى 300 مىليون بولۇپ، بۈگۈنكى كۈندە تەخمىنەن 7 مىليارد 710 مىليونغا يەتكەن.
ب د ت نوپۇس فوندى جەمئىيىتى تەرىپىدىن تەييارلانغان بىر تەكشۈرۈش دوكلاتىدا، دۇنيادا نوپۇسى ئەڭ كۆرۈنەرلىك دەرىجىدە تۆۋەنلەپ كەتكەن دۆلەتلەرنىڭ شەرقىي ياۋروپا دۆلەتلىرى ئىكەنلىكى، بۇلارنىڭ ئالدىنقى قاتارىدا بولغارىيە، لېتونيا ۋە مولدوۋا تۇرىدىغانلىقى بىلدۈرۈلدى.
دۇنيادا نوپۇسى ئەڭ كۆپ قىتئەنىڭ ئىسىيا قىتئەسى ئىكەنلىكى ئۇقتۇرۇلدى.
دۇنيا نوپۇسىنىڭ تەخمىنەن %60 ى ئاسىيادا، %15 ى ئافرىقىدا، %10 ى ياۋروپادا، %8 ى لاتىن ئامېرىكا ۋە كارايىپلاردا بولۇپ، قالغان قىسمى شىمالىي ئامېرىكا ۋە تىنچ ئوكياندا ياشايدۇ.
دۇنيا بويىچە نوپۇسى ئەڭ كۆپ دۆلەتلەر ئارىسىدا خىتاي 1 مىليارد 420 مىڭ نوپۇسى بىلەن 1 -، ھىندىستان 1 مىليارد 370 مىليون نوپۇسى بىلەن 2 – ئورۇندا تۇرىدۇ.
خىتايدا دۇنيا نوپۇسىنىڭ %19 ى، ھىندىستاندا بولسا %18 ى ياشايدۇ.
تاشقى موڭغۇلىيە 1 مىليون 546 مىڭ 116 كىۋادىرات كېولمىتىرلىق تېررورتورىيەسىدە، 3 مىليون نوپۇسقا ئىگە بولۇپ، دۇنيا بويىچە نوپۇس زىچلىقى ئەڭ تۆۋەن دۆلەت ھېسابلىنىدۇ.
دۇنيا بويىچە نوپۇسى ئەڭ ئاز دۆلەت ئاۋستىرالىيە ۋە ئاكيانىيە قىتئەسى ھېسابلىنىدۇ.
دۇنيا نوپۇسىنىڭ 2055 – يىلىدا 10 مىلياردقا يېتىشى تەخمىن قىلىنماقتا. بۇ ساننىڭ 2100 – يىلىدا 11 مىليارد 200 مىليونغا يېتىشى مۆلچەرلەنمەكتە.
تۈركىيە دۇنيا بويىچە نوپۇسى ئەڭ كۆپ 17 - دۆلەت بولۇپ، تۈركىيە نوپۇسىنىڭ 2023 – يىلىدا 87 مىليونغا، 2040 – يىلىدا بولسا، 100 مىليونغا ۋە 2069 – يىلىدا 107 مىليون 600 مىڭغا يېتىشى تەخمىن قىلىنماقتا.
مۇناسىۋەتلىك خەۋەرلەر
تۇسك: دۇنيا يېڭى بىر ئۇرۇش دەۋرىگە قەدەم قويدى
پولشا باش مىنىستىرى دونالد تۇسك دۇنيانىڭ يېڭى ئۇرۇش دەۋرىگە قەدەم قويغانلىقىنى ئوتتۇرىغا قويدى.