йавропа иттипақи украинаниң земин пүтүнлүки вә игилик һоқуқини қоллайдиғанлиқини билдүрди

йавропа иттипақи, украинаниң мустәқиллиқи, игилик һоқуқи вә земин пүтүнлүкини қоллайдиғанлиқини ейтти.

1232614
йавропа иттипақи украинаниң земин пүтүнлүки вә игилик һоқуқини қоллайдиғанлиқини билдүрди

түркийә авази радийоси хәвири: 21 – нөвәтлик украина – йавропа иттипақи башлиқлар йиғини украина пирезиденти виладимир зелениски, йавропа иттипақи кеңиши башлиқи доналд туск, йавропа иттипақи комитети башлиқи җанкерниң иштирак қилиши билән пайтәхт киевда чақирилди.

украина ташқи ишлар министирлиқи йиғиндин кейин виладимир зелениски, туск вә җанкерниң қошма байанатини тарқатти.

байанатта көрситилишичә, йиғинниң иштиракчилири, йавропа иттипақи ортақлиқ келишими вә әркин сода келишимини чөридигән һалда украинаниң йавропа иттипақи билән иқтисадий җәһәттә маслишишини вә сийасий һәмкарлиқини күчәйтиш ирадилирини тәкитләп өткән.

байанатта, «йавропа иттипақи, украина хәлқара тәрипидин етирап қилинған чегралардики мустәқиллиқигә, игилик һоқуқиға вә земин пүтүнлүкигә болған тәврәнмәс қоллишини вә ирадисини тәкитләп өтти» дейилди.

русийә, 2014 – йили қиримни өзигә қошувалған, бөлгүнчиләр болса, украина шәрқидә аталмиш һөкүмәт елан қилғаниди.



مۇناسىۋەتلىك خەۋەرلەر