ghezzede bügünmu büyük qaytish namayishliri ötküzülidu

ghezzede büyük qaytish we qorshawni buzush yürüshi aliy milliy heyiti kishilerni chégrada ötküzülidighan «büyük qaytish yürüshi» namayishlirigha keng kölemde qatnishishni chaqiriq qildi.

1230633
ghezzede bügünmu büyük qaytish namayishliri ötküzülidu

türkiye awazi radiyosi xewiri: ghezzede büyük qaytish we qorshawni buzush yürüshi aliy milliy heyiti kishilerni chégrada ötküzülidighan «büyük qaytish yürüshi» namayishlirigha keng kölemde qatnishishni chaqiriq qildi.

heyetning bu heqtiki yazma bayanatida, pelestin dewasigha qaritilghan tuzaqlarni bikargha chiqirish üchün ereb we islam döletliri bilen pelestinning ortaq meydanda bolushi kéreklikini bildürdi.

büyük qaytish we qorshawni buzush yürüshi aliy milliy heyitining ezasi muhemmed el harazin pilan qilinghan tuzaqlarning pelestin dewasi bilen cheklinip qalmaydighanliqini ilgiri sürüp, isirailiye bilen normallishish yollirining échilishining, islam ümmitining barliq paytextlirining teslim bolushigha seweb bolidighanliqini eskertti.

u pelestin dewasini kücheytishning ehmiyitini tekitlep, kishilerni bügün (5-iyul) ötküzülidighan namayishlargha keng kölemde qatnishishqa chaqirdi.

pelestinlikler 2018-yili 30-marttin buyan qorshaw astida turuwatqan ghezzening isirailiye chégrasida «büyük qaytish yürüshi» namida tinchliq xaraktérlik namayishlarni ötküzüp kelmekte.

isirailiye eskerliri «sürgün qilinghan yurtlirigha qaytishni we 2006-yilidin tartip ghezzege ijra qilinghan qorshawni bikar qilish» ni telep qilghan xelqni oqqa tutup kelmekte.

isirailiye eskerlirining bir yildin artuq dawamlashqan tinchliq xaraktérlik namayishlarni basturushi jeryanida 200 din artuq pelestinlik shéhid boldi.



مۇناسىۋەتلىك خەۋەرلەر