daéshning yemen emiri nazaretke élindi
daéshning yemen emiri ebu usame el muhajirning 2010 – yilidin 2015 - yilighiche elqaidening kattibashliridin birsi bolghanliqi we 2015 – yili daéshqa ötüp ketkenli uqturuldi.
türkiye awazi radiyosi xewiri: seudi erebistan rehberlikidiki ittipaqdash qisimlar térrorluq teshkilati daéshning yemen emiri ebu usame el muhajirning qolgha chüshürülgenlikini élan qildi.
ittipaqdash qisimlar bayanatchisi türki el malikining seudi erebistan resmiy xewer agéntliqi «SPA» gha bergen bayanatida, ittipaqdash qisimlar bilen yemen hökümiti qisimlirining 3 – iyunda élip barghan ortaq herbiy herikiti dairiside, térrorluq teshkilati daéshning iqtisadiy ishlirigha mesul kattibéshi ebu usame el muhajir we bezi ezalirining nazaretke élinghanliqi bildürüldi.
türki el maliki herbiy heriketning qeyerde élip bérilghanliqi we nazaretke élinghanlarning aqiwiti qandaq bolghanliqi heqqide melumat bermidi.
seudi erebistan tashqi ishlar ministirliqining resmiy intérnét bétide orun alghan bayanatta yene, ebu usame el muhajirning 2010 – yilidin 2015 - yilighiche elqaidening kattibashliridin birsi bolghanliqi biraq 2015 – yilida daéshqa ötüp ketkenli we 2017 – yilidin buyan daéshning yemendiki mesulluq wezipisini ötewatqanliqi qeyt qilindi.
xusiylar 2014 – yilidin béri paytext sana we bezi rayonlarning kontirolluqini alqinigha kirgüzwalghan bolup, seudi erebistan bashchiliqidiki ittipaqdash qisimlar 2015 – yili mart éyidin buyan xusiylargha qarshi merkiziy hökümetke yardem qilmaqta.
