quddusta amérika-rusiye-isirailiye xewpsizlik yighini chaqirildi

amérika dölet xewpsizlik meslihetchisi jon bolton pirézidént donald trampning iran bilen «heqiqiy muzakireler» ni ötküzüshke ochuq pozitsiyede ikenlikini bildürdi.

quddusta amérika-rusiye-isirailiye xewpsizlik yighini chaqirildi

türkiye awazi radiyosi xewiri: jon bolton gherbiy quddusta ötküzülgen amérika-rusiye-isirailiye üch terep xewpsizlik yighinida söz qildi we washington bilen téhran otturisida yüz bergen yirikchilikler toghrisida toxtaldi.

u amérika diplomatlirining rayonda washington bilen téhran otturisida yüz bergen yirikchilikleree chiqish yoli tépish ümidi bilen her xil paaliyetlerni qiliwatqanliqlirini eskertip, iranni bu paaliyetlerge jimjit qarap turush bilen eyiblidi.

u: «iranning istratégiyelik qarar arqiliq yadro qorallardin waz kechkenlikini körsitip béridighan birmu delil-ispat yoq» dédi.

u amérika bilen iran otturisida muzakire ötküzüshning bashlinishi mesiliside gunahni téhrangha artip: «pirézidént tramp heqiqiy muzakirelerge ishikni ochuq tutuwatidu. iranning qilishi kérek bolghini ochuq bolghan ishiktin méngish» dédi.

u yighindin kéyin axbarat élan qildi we iranning 300 kilogiramdin artuq uran qoyuldurushining «chong xataliq» bolidighanliqini, uningdin éship ketken ehwalda barliq charilerning oylishilidighanliqini eskertti.

u amérika yolgha qoyghan émbargolar sayisida iranning muzakire üstilige qaytidighanliqigha ishinidighanliqini bildürüp, téhran muzakire üstilige qaytmighan ehwalda washingtonning yene irangha yéngi émbargolarni yürgüzüshi mumkinlikini tekitlidi.



مۇناسىۋەتلىك خەۋەرلەر