makron trampni yawropagha qarita pozitsiyesini aydinglashturushqa chaqirdi

firansiye pirézidénti émmanuél makron amérika qoshma ishtatliri pirézidénti donald trampni yawropagha qarita pozitsiyesini aydinglashturushqa chaqirdi.

makron trampni yawropagha qarita pozitsiyesini aydinglashturushqa chaqirdi

türkiye awazi radiyosi xewiri: makron «‹ New Yorker › zhurnili» ning ziyaritini qobul qilghanda bergen bayanatida, amérika qoshma ishtatliri pirézidénti donald tramp bilen yawropa ittipaqi munasiwetliri otturisida éniqsizliq barliqini tekitlep mundaq dédi: « bolupmu trampning engliyening yawropa ittipaqidin ayrilish basquchidiki pozitsiyesige nezer tashlisingiz, uning qiyin bir basquchni qollighanliqini körüwalalaysiz, méningche tramp yawropagha qarita pozitsiyesini aydinglashturuwélishi lazim.»  

marsilyada ötküzülgen «aqdéngiz munbiri» yighinidin kéyinmu bayanat élan qilghan makron, amérika qoshma ishtatliri bilen iran otturisidiki sürkilishtin tolimu endishe qiliwatqanliqini, firansiyening iranning yadro kélishimini qollaydighanliqini tekitlep mundaq dédi: «bu sürkilish yéqinqi heptilerdin buyan barghanséri ewj élip ketti, her türlük hujumni yaki sürkilishni eyibleymiz, her ikki terepni dawamliq diyalog ötküzüshke chaqirimiz.»

meslihetchisini ötken hepte irangha ewetkenlikini we yaponiyede chaqirilidighan 20 dölet guruhi bashliqlar yighinida amérika qoshma ishtatliri pirézidénti donald tramp bilen körüshidighanliqini eskertken makron, rayonning bixeterliki üchün ikki dölet otturisidiki sürkilishke xatime bérilishining zörürlükini qeyt qildi.



مۇناسىۋەتلىك خەۋەرلەر