wéytnamda bir amérika puqrasi 12 yilliq qamaq jazasigha höküm qilindi

wéytnamda «döletni zawalliqqa yüz tutquzush» qa urunush bilen eyiblengen bir amérika puqrasi 12 yilliq qamaq jazasigha höküm qilindi.

wéytnamda bir amérika puqrasi 12 yilliq qamaq jazasigha höküm qilindi

türkiye awazi radiyosi xewiri: engliye axbarat orgini « BBC » ning xewer qilishiche, bultur qolgha élinghan maykél pong ming ngyuyén  isimlik bir amérika puqrasi, yérim künlük sotlinishtin kéyin,  «döletni zawalliqqa yüz tutquzush» qa urunush bilen eyiblinip, 12 yilliq qamaq jazasigha höküm qilinghan.

adwukati nguyén wantam, ngyuyénning dölette namayishlarni küshkürtmekchi bolghanliqini iqrar qilghanliqini, biraq xanoy we xo chimingde hökümet binalirigha molotof bomba (bénzin qachilanghan shishe) arqiliq hujum qilish pilani tüzgenlikige qarita eyibleshni qobul qilmighanliqini qeyt qilish bilen bir waqitta,  ngyuyénning hökümet binalirigha hujum qilishni pilanlighanliqigha alaqidar héchqandaq delil – ispatning yoqluqini ilgiri sürdi.

igilinishiche, ngyuyén jaza mudditi toshqandin kéyin, chégradin qoghlap chiqirilidiken. oxshash jinayet bilen eyiblengen 3 wéytnamliqqa bolsa yénik jazalar bérilgen bolup, jawabkarlarning bu qarar heqqide sotqa erz sunup sunmaydighanliqi téxiche éniq emes iken.



مۇناسىۋەتلىك خەۋەرلەر