mursining oghli erdoghan qatarliq özini yalghuz tashlap qoymighan barliq kishilerge rehmet éytti

muhemmed mursining oghli abdullah mursi eljezire qaniligha bayanat bérip, bashta jumhur reis rejep tayyip erdoghan bolup özlirini yalghuz tashlap qoymighan barliq kishilerge rehmet éytti.

mursining oghli erdoghan qatarliq özini yalghuz tashlap qoymighan barliq kishilerge rehmet éytti

türkiye awazi radiyosi xewiri: misirda sot zalida hayatidin ayrilghan, döletning démokratik saylam arqiliq hakimiyet béshigha kelgen tunji pirézidénti muhemmed mursining ailisi, bashta jumhur reis rejep tayyip erdoghan bolup özlirini yalghuz tashlap qoymighan barliq kishilerge rehmet éytti.

muhemmed mursining oghli abdullah mursi eljezire qaniligha bayanat bérip, misir dairilirining atisi üchün teziye murasimi ötküzüshige ruxset qilmighanliqini, biraq mesjidi eqsada atisi üchün ghaibane jinaza namizi qilinghanliqini eskertti.

dunya miqyasida milyonlarche kishining atisi üchün ghaibane jinaza namizi ötigenlikige isharet qilghan abdullah, «tarix bundaq bir weqege shahit bolmidi. buningdin burun milyonlarche chiqip héchkimning ghaibane jinaza namizini chüshürmidi» dédi.

u, «hemmeylenge, xususen hörmetlik erdoghangha, qatar emiri sheyx temim bin hemed al sani we uning atisigha, malayshiya hökümitige we tunisning sabiq pirézidénti munsif elmerzuqiygha rehmet éytimiz» dégenlerni qeyt qildi.

misirning démokratik yollar bilen saylan tunji pirézidénti muhemmed mursi, «wadinnaturn türmisidin qéchish we hamas üchün jasusluq qilish» bilen eyiblinip sotliniwatqan esnada 17 – iyunda bu dunya bilen widalashqanidi.



مۇناسىۋەتلىك خەۋەرلەر