ezerbeyjan-erméniye tashqi ishlar ministirliri körüshti

ezerbeyjan tashqi ishlar ministiri elmar memmedyarow bilen erméniye tashqi ishlar ministiri zohrab mnatsakanyan (Zohrab Mnatsakanyan) taghliq qarabagh mesilisini hel qilish musapisi dairiside, amérika paytexti washingtonda körüshti.

ezerbeyjan-erméniye tashqi ishlar ministirliri körüshti

türkiye awazi radiyosi xewiri: ezerbeyjan tashqi ishlar ministiri elmar memmedyarow bilen erméniye tashqi ishlar ministiri zohrab mnatsakanyan washigtonda körüshüp, taghliq qarabagh mesilisini muzakire qildi. körüshüshke, yawropa xewpsizlik we hemkarliq teshkilati minsk guruppisining teng hoquqluq reisliridin rusiyelik igor popow (İgor Popov), firansiyelik stéfan wiskonti (Stephane Visconti), amérikaliq anjru shofér (Andrew Schofer) we yawropa xewpsizlik we hemkarliq teshkilatining alahide wekili anzi kaspishik (Andrzej Kasprzyk) qatarliqlar qatnashti.

  ezerbeyjan tashqi ishlar ministirliqi élan qilghan bayanatta, ikki dölet ministirlirining körüshüshide, firansiye paytexti parizh we rusiye paytexti moskwada échilghan yighinlarda muzakire qilinghan témilarning qandaq ijra qilinghanliqi mesilisining, körüshüshning eng muhim küntertipi bolghanliqi bildürüldi.

bayanatta, körüshüshke «ijabiy» we «muzakire musapisining algha ilgirilishige xizmet qilghan» körüshüsh, dep baha bérilgenliki, amérikaning sahibxanliqigha teshekkür éytilghanliqi qeyt qilindi.

yawropa xewpsizlik we hemkarliq teshkilati minsk guruppisining bu heqtiki bayanatida, körüshüshlerde taghliq qarabagh mesilisini hel qilish nuqtisida özara pikir almashturulghanliqi, ministirlarning, yéqinqi waqitta teng hoquqluq reisler rayonni ziyaret qilghanda teklip qilinghan insanperwerlik yardemliri we xewpsizlik tedbirlirining ijra qilinishi mesiliside kütkenlirini éniqlashturghanliqi eskertildi.

bayanatqa asaslanghanda, teng hoquqluq reisler, tereplerni urush toxtitishqa boysunushqa, ighwagerchiliklerdin yiraq turushqa, aldinqi sep we chégra linyeliride mergenlerni wezipe ijra qilghuzush we inzhénérliq ishlirini qilishtin yiraq turushqa chaqirghan.

jiddiy weziyetning xetirini töwenlitish üchün ministirlar otturisidiki biwaste alaqilardin yaxshi paydilinishning ehmiyiti tekitlengen körüshüshte, ministirlarning pat arida yene körüshüsh mesiliside pikir birliki hasil qilinghanliqi bildürüldi.



مۇناسىۋەتلىك خەۋەرلەر