iraq öktichiliri sépini kücheytmekte

iraqta emmar elhekim rehberlikidiki milliy hékmet éqimi, adil elmehdi hökümitige qarshi öktichilerning sépige qoshulidighanliqini jakarlidi.

iraq öktichiliri sépini kücheytmekte

türkiye awazi radiyosi xewiri: milliy hékmet éqimi yazma bayanat élan qilip, éqimning siyasiy ishlar ishxanisining bügün chaqirilghan alahide yighinida, ammiwi xizmetler we iraq ahalisining omumiy endishilirining muzakire qilinghanliqini bildürdi.

éqimning siyasiy tallishini békitip chiqqanliqi qeyt qilinghan bayanatta, milliy hékmet éqimining, adil elmehdi hökümitige qarshi öktichilerning sépige qoshulidighanliqi tekitlendi.

iraqning bezi jaylirida témpératoraning 50 giradusqa yetkenliki, bolupmu jenubiy rayonliridiki tok toxtap kétish hadisilirining xelqning turmushigha éghir derijide selbiy tesir körsetkenliki, buninggha bolghan naraziliqlarning künséri éghirlishiwatqanliqi diqqetni tartmaqta.

emmar elhekim rehberlikidiki milliy hékmet éqimi, ötken yili dékabir éyida ishench awazigha érishken adil elmehdi hökümitige qarshi öktichi bayriqini chiqarghan tunji shie siyasiy éqim bolushi diqqetni tartti.

329 orunduqluq iraq parlaméntida milliy hékmet éqimining 19 parlamént ezasi bar.


خەتكۈچ: iraq

مۇناسىۋەتلىك خەۋەرلەر