xitay filippinge tewe kémini xitay kémisining chöktüriwetkenlikini étirap qildi

filippin ikki kün ilgiri eger filippin kémisini xitaygha tewe béliqchi kémisining sugha chöktüriwetkenliki ispatlanghan teqdirde, xitay bilen déplomatik munasiwetlerni üzüp tashlaydighanliqini jakarlighan idi.

xitay filippinge tewe kémini xitay kémisining chöktüriwetkenlikini étirap qildi

 

türkiye awazi radiyosi xewiri: xitay aldinqi hepte jenubiy xitay déngizida filippinge tewe kémining sugha chöktüriwitilishi weqeside héchqandaq qestenliki yoqluqini bildürdi.

xitayning malinada turushluq elchixanisidin élan qilinghan bayanatta, xitay kémisining filipinge tewe bezi kémiler teripidin qorshiwélinghanliqi we u jeryanda qayrilip kétish meqsitide heriketlinish esnasida, filippinge tewe béliqchi kémisige soqulup kétish weqesi yüz bergenlikini étirap qildi. biraq weqede héchqandaq qestenliki yoqluqini eskertti.

xitayning bayanatida, urup qichip kétishtek birer ish bolmighanliqi tekitlendi. xitay béliqchi kémisi kapitanining weqedin kéyin filippinlik béliqchilarni qutquzushni xalighan bolsimu biraq fillippinge tewe kémiler uni qorshiwalghan bolghachqa endishilinip, qutquzalmay qalghanliqi uqturuldi.  

filippin pirézidéntliq bayanatchisi salwador panélo ikki kün ilgiri élan qilghan bayanatida, eger filippin kémisini xitaygha tewe béliqchi kémisining sugha chöktüriwetkenliki ispatlanghan teqdirde, xitay bilen déplomatik munasiwetlerni üzüp tashlaydighanliqini jakarlighan idi.

xitay 1947yili élan qilghan bir xeritini bahane qilip, igilik hoquqi dawasi qilip kéliwatqan jenubiy xitay déngizining %80 ning özige tewe ikenlikini ilgiri sürüp kelmekte. shu wejidin yer asti bayliqi mol bu rayon üstide filippin, wéyitnam, birunay we malayshiya qatarliq qoshna döletler bilen xitay otturisida igilik hoquqi talash tartishi dawamlashmaqta.

xitay hökümitining jenubiy xitay déngizidiki arallargha herbiy baza qurup, iglik hoquqini dawa qilishigha rayondiki döletlerdin bashqa yene amérikamu qarshi chiqip kelmekte.

xelqarada «parachal we sipratliy» dep bilinidighan taqim aralliri wéyitnam teripidin «xong sa we trung sa» dep atilidu. xitay bolsa, «shisha we nansha chündaw» dep atimaqta.

 

 


خەتكۈچ: xitay , filippin

مۇناسىۋەتلىك خەۋەرلەر