хитай филиппингә тәвә кемини хитай кемисиниң чөктүривәткәнликини етирап қилди
филиппин икки күн илгири әгәр филиппин кемисини хитайға тәвә белиқчи кемисиниң суға чөктүривәткәнлики испатланған тәқдирдә, хитай билән депломатик мунасивәтләрни үзүп ташлайдиғанлиқини җакарлиған иди.
түркийә авази радийоси хәвири: хитай алдинқи һәптә җәнубий хитай деңизида филиппингә тәвә кеминиң суға чөктүривитилиши вәқәсидә һечқандақ қәстәнлики йоқлуқини билдүрди.
хитайниң малинада турушлуқ әлчиханисидин елан қилинған байанатта, хитай кемисиниң филипингә тәвә бәзи кемиләр тәрипидин қоршивелинғанлиқи вә у җәрйанда қайрилип кетиш мәқситидә һәрикәтлиниш әснасида, филиппингә тәвә белиқчи кемисигә соқулуп кетиш вәқәси йүз бәргәнликини етирап қилди. бирақ вәқәдә һечқандақ қәстәнлики йоқлуқини әскәртти.
хитайниң байанатида, уруп қичип кетиштәк бирәр иш болмиғанлиқи тәкитләнди. хитай белиқчи кемиси капитаниниң вәқәдин кейин филиппинлик белиқчиларни қутқузушни халиған болсиму бирақ филлиппингә тәвә кемиләр уни қоршивалған болғачқа әндишилинип, қутқузалмай қалғанлиқи уқтурулди.
филиппин пирезидентлиқ байанатчиси салвадор панело икки күн илгири елан қилған байанатида, әгәр филиппин кемисини хитайға тәвә белиқчи кемисиниң суға чөктүривәткәнлики испатланған тәқдирдә, хитай билән депломатик мунасивәтләрни үзүп ташлайдиғанлиқини җакарлиған иди.
хитай 1947 – йили елан қилған бир хәритини баһанә қилип, игилик һоқуқи даваси қилип келиватқан җәнубий хитай деңизиниң %80 ниң өзигә тәвә икәнликини илгири сүрүп кәлмәктә. шу вәҗидин йәр асти байлиқи мол бу район үстидә филиппин, вейитнам, бирунай вә малайшийа қатарлиқ қошна дөләтләр билән хитай оттурисида игилик һоқуқи талаш – тартиши давамлашмақта.
хитай һөкүмитиниң җәнубий хитай деңизидики аралларға һәрбий база қуруп, иглик һоқуқини дава қилишиға райондики дөләтләрдин башқа йәнә америкаму қарши чиқип кәлмәктә.
хәлқарада «парачал вә сипратлий» дәп билинидиған тақим араллири вейитнам тәрипидин «хоң са вә труң са» дәп атилиду. хитай болса, «шиша вә нанша чүндав» дәп атимақта.
