yong liyu: alma, zörür tépilsa, mehsulatlirini xitayning sirtida ishlepchiqiridu
istémal éléktron buyumliri shirkiti – alma, zörür tépilghan teqdirde, mehsulatlirini xitayning sirtida ishlepchiqiridiken.
türkiye awazi radiyosi xewiri: blumbérg toridiki bir xewerge asaslanghanda, alma shirkitining eng asasliq ishlepchiqirish shériki bolghan teywen merkezlik «Foxconn» depmu atilidighan xon xey shirkiti mesulliridin yong liyu, amérika qoshma ishtatliri bilen xitay arisidiki soda urushi téximu ewj élip ketken teqdirde, alma shirkitige herjehettin hemdem bolidighanliqlirini bildürgen.
yong liyu, nöwette %25 mehsulatning xitayning sirtida ishlepchiqiriliwatqanliqini, alma shirkitining hindistanghimu meblegh salghanliqini, shirketning teleplirini orundash üchün yéterlik küchke ige ikenliklirini qeyt qilghan.
alma shirkitining téxi xitaydin chékinish yolyoruqi chüshürülmigenlikini tilgha alghan liyu yene, xéridarlarning éhtiyajlirigha asasen shirketning ishlepchiqirish ornini herqandaq bir orungha yötkesh küchigimu ige ikenlikini éytqan.
bu jeryanda «Foxconn» shirkitining alma Xr téléfonlirini hindistanning chénnai shehiride ishlepchiqirish üchün süpet tekshürüshi élip bériwatqanliqi, yéqinda yürüshleshtürüp ishlepchiqirishni bashlashni pilanlawatqanliqi eskertildi.
amérika qoshma ishtatlirining tashqi soda tetur perqini tügitish üchün 2018 – yili martta birinchi bolup xitaydin import qilinidighan quyash énérgiyesi taxtayliri we alyomingha qoyulidighan tamozhna béjini ashurush bilen bashlanghan amérika – xitay soda urushi, waqitning ötüshige egiship, qarimuqarshi halda baj östürüshler arqiliq ewjige chiqqanidi.
xuawéyning androidni ishlitishining cheklinishidin kéyin, ikki dölet téxnologiye sahesidimu bir – birige qarshi qedemlerni tashlighanidi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
