«türkiyening pelestin mesilisige tutqan pozitsiyesidin xursenmiz»

pelesitn azadliq teshkilati ijraiye heyitining ezasi ehmed mejdelani israiliyening üzlüksiz dawamlishiwatqan hujumlirigha qarshi türkiyening oynawatqan roli we pelestin xelqini qollishidin ibaret ijabiy pozitsiyesidin xursen ikenliklirini bildürdi.

«türkiyening pelestin mesilisige tutqan pozitsiyesidin xursenmiz»

türkiye awazi radiyosi xewiri: pelesitn azadliq teshkilati teripidin bu heqte élan qilinghan yazma bayanatta eskertilishiche, mejdelani türkiyening pelestinning quddus bash konsulxanisining muweqqet meslihetchisi ayqut renda bilen ramallahta bir yerge jem bolghan.

uchrishish jeryanida, mejdelani türkiye tashqi ishlar ministiri  mewlüt chawushoghluning iyun éyining bashlirida chaqirilghan «14 – nöwetlik islam hemkarliq teshkilati aliy derijilik rehberler yighini» da qilghan sözining nahayiti muhimliqini tekitlep mundaq dégen: «türkiye chawushoghlu arqiliq ipadiligen pozitsiyesi arqiliq ikki dölet otturisidiki munasiwetlerning chongqurluqi we bu munasiwetlerni tereqqiy qildurushning zörürlükini namayen qildi.»

israiliyening üzlüksiz dawamlishiwatqan hujumlirigha qarshi türkiyening oynawatqan roli we pelestin xelqini qollishidin ibaret ijabiy pozitsiyesidin xursen ikenliklirini éytqan mejdelani, iyun éyining axirliri behreynde iqtisadiy xizmet yighini ötküzülidighanliqini, pelestin hökümitining bu yighingha qatnashmaydighanliqigha alaqidar wede élish üchün ereb we xelqaraliq teshkilatlar bilen dawamliq uchur - alaqe qiliwatqanliqlirini hem xizmet ishlewatqanliqlirini qeyt qildi.

türkiyening pelestinning quddus bash konsulxanisining muweqqet meslihetchisi ayqut renda, enqerening pelestinning qanunluq heq – hoquqlirini qoghdash paaliyetlirini dawamliq qollawatqanliqini, shuning bilen bir waqitta, pelestin mesilisini qollishi üchün musulman döletler bilen izchil türde hemkarliishiwatqanliqini eskertti, hemde xelqaraliq qanunluq qararlarning sirtidiki héchqandaq bir kélishimni qobul qilishqa bolmaydighanliqini tekitlidi.

igilinishiche, behreynning paytexti manamada chaqirilidighan ortaq xizmet yighini, amérika qoshma ishtatlirining israiliye – pelestin mesilisining hel qilinishi toghruluq qachan élan qilidighanliqi téxiche melum bolmighan «yüz yilning kélishimi» pilani dairisidiki tunji yighin hésablinidiken.



مۇناسىۋەتلىك خەۋەرلەر