xewpsizlik kéngishi sudanni qattiq eyiblidi

birleshken döletler teshkilati xewpsizlik kéngishi sudanda yéqindin buyan yüz bériwatqan zorawanliq weqelirini qattiq eyiblidi.

xewpsizlik kéngishi sudanni qattiq eyiblidi

türkiye awazi radiyosi xewiri: birleshken döletler teshkilati xewpsizlik kéngishi teripidin bu heqte élan qilinghan yazma bayanatta, xewpsizlik kéngishige eza döletlerning sudanda puqralar nishan qiliniwatqan zorawanliq weqelirige derhal xatime bérilishi toghruluq chaqiriqta bolghanliqi eskertilish bilen bir waqitta, sudan hökümitidin,  kishilik heq – hoquqlargha hörmet qilishi telep qilindi, hemde zorawanliq weqelirining puqralarning ölüp kétishi we yarilinishini keltürüp chiqirishining tolimu epsuslinarliq ish ikenliki tekitlinip mundaq déyildi: «birleshken döletler teshkilati xewpsizlik kéngishi ezaliri sudanda yéqindin buyan yüz bériwatqan zorawanliq weqelirini qattiq eyibleydu, zorawanliq weqelirining puqralarning ölüp kétishi we yarilinishini keltürüp chiqirishidin tolimu epsuslinidu. shuning bilen bir waqitta, sudan hökümitidin zorawanliq weqelirige derhal xatime bérishini, kishilik heq – hoquqlargha hörmet qilishini, puqralarni qoghdishini, jawabkarlardin hésab élishini we adalet berpa qilishini telep qilidu.»

birleshken döletler teshkilati xewpsizlik kéngishining sudandiki waqitliq herbiy kéngeshning weqelerni tekshürüshke qarita bayanatini ruyxetke alghanliqi eskertilgen bayanatta, birleshken döletler teshkilati bash katipi antonio gutérrésning sudan mesiliside rayonluq we xelqaraliq tirishchanliqlarning dawamlishishini qollashning zörürlükini yéqtanliqi qeyt qilindi, hemde xewpsizlik kéngishining sudanning birliki, igilik hoquqi, musteqilliqi we zémin pütünlükige hörmet qilidighanliqi tekitlinip mundaq déyildi: «birleshken döletler teshkilati xewpsizlik kéngishi ezaliri barliq döletlerni sudan kirizisining özara kéngesh asasisda hel qilinishi yolida birlikte heriket qilishqa chaqiridu.»



مۇناسىۋەتلىك خەۋەرلەر