kim jongun trampqa mektup yollidi

amérika qoshma ishtatliri pirézidénti donald tramp shimaliy koréye rehbiri kim jongundin yéngi bir mektup tapshuruwalghanliqini jakarlidi.

kim jongun trampqa mektup yollidi

türkiye awazi radiyosi xewiri: tramp aqsarayda élan qilghan bayanatida, shimaliy koréye rehbiri kim jongundin «nahayiti yaxshi bir mektup» tapshuruwalghanliqini tekitlep mundaq dédi: «kim jongun bilen bolghan munasiwitim nahayiti yaxshi, shunga buningdin kéyinki özgirishler téximu ijabiy bolidu, dep qaraymen. pat yéqinda kim jongun bilen körüshüshüm mumkin, uning manga yollighan semimiy mektubi, shimaliy koréyening nahayiti zor ewzelliklerge ige ikenlikini körsitidu.»

tramp shimaliy koréye rehbiri kim jongunning ögey qérindishining amérika merkizi axbarat teshkilati (CIA) üchün ishligenlikige alaqidar soalgha jawab bergende mundaq dédi: «men wezipe ötigen mezgilde bundaq ishning otturigha chiqishigha yol qoymaymen.»

amérika qoshma ishtatliri pirézidénti donald tramp bilen shimaliy koréye rehbiri kim jongun otturisida wéytnamda féwral éyida ishqa ashurulghan ikkinchi qétimliq uchrishishta birdeklik hasil qilinalmighan, aqsaray uchrishishlarning dwamlishidighanliqini bildürgenidi.



مۇناسىۋەتلىك خەۋەرلەر