данийәдә бир җамәгә от кәтти

данийәниң пайтәхти копенһагендики фәтиһ җамәсигә от кәтти.

1212590
данийәдә бир җамәгә от кәтти

түркийә авази радийоси хәвири: данийәниң пайтәхти копенһагенниң 35 километир ғәрбигә җайлашқан һедеһусене наһийәсидики фәтиһ җамәсигә от кәтти.

билдүрүлүшичә, данийә түрк дийанәт вәқписигә қарашлиқ болған вә 2013-йили селинған фәтиһ җамәсиниң өгзисигә түнүгүн чүштә от кәткән.

от өчүрүш хадимлири зор тиришчанлиқ көрситип отни өчүрүлған.

от апитидин кейин җамәни екскурсийә қилған түркийәниң копенһаген әлчиси уғур кәнан ипәк, мубарәк рамизан ейида бундақ бир көңүлсиз һадисиниң йүз беришидин қайғурғанлиқини ейтти.

әлчи ипәк ток линийәси сәвәблик келип чиққанлиқи тәхмин қилиниватқан от апитидә өлүш һадисисиниң йоқлиқини, лекин маддий зийан көрүлгәнликини билдүрди.

түрлүк тәдбирләрниң елиниши тоғрулуқ алақидар мәсуллар билән көрүшидиғанлиқини ейтқан әлчи ипәк: биз алақидар мәсуллардин пәқәт түрк топлуқинила әмәс барлиқ мусулман топлуқини һуҗумлардин қоғдашни тәләп қилимиз, униң үстигә уларму биз билән бу мәсилидә һәмкарлиқ орнитишни халайдиғанлиқини билдүрмәктә, деди.

фәтиһ җамәси тәшкилий һәйәт башлиқи туран акбулат, җамәниң бихәтәрлик камералирини алақидар орунларға тапшуруп бәргәнликини ейтип мундақ деди: « камера көрүнүшлири тәкшүрүливатиду, қариғанда гуманлиқ әһвал йоқтәк туриду, биз җамә өгзисидики ток линийәсидин чиққан кашила түпәйли от апити келип чиққанлиқини тәхмин қиливатимиз.»

акбулат ахирида  бу қетимқи роаз һейт намизини фәтиһ җамәсидә қилалмайдиғанлиқидин қайғурғанлиқиниму билдүрди.  


خەتكۈچ: #данийә , #җамә

مۇناسىۋەتلىك خەۋەرلەر