amérika: 4 soda paraxotigha qilinghan hujumning perde arqisida iran bar
aqsaray dölet xewpsizlik ishliri meslihetchisi bolton ereb birleshme xelipilikining fujeyre porti etrapida 4 soda paraxotigha qilinghan hujumning perde arqisida iranning barliqigha alaqidar delil – ispatlarning xewpsizlik kéngishige sunulidighanliqini éytti
türkiye awazi radiyosi xewiri: bolton ottura sherq we shimaliy afriqa döletliride ereb tilida tarqitish béridighan, merkizi amérika qoshma ishtatliridiki «‹elhurre› téléwiziye qanili» da élan qilinghan bayanatida, bu heqte toxtalghanda mundaq dédi: «ereb birleshme xelipilikining fujeyre porti etrapida 13 – may küni 4 soda paraxotigha qilinghan hujumning perde arqisida iranning barliqigha alaqidar delil – ispatlar birleshken döletler teshkilati xewpsizlik kéngishige sunulidu.»
amérika qoshma ishtatlirining rayongha zapas qisimlarni ewetishi we bu ehwalgha chaqmaq tézlikide inkas qayturushining, irangha taqabil turushta muhim rol oynawatqanliqini eskertken bolton, iranning amérika qoshma ishtatlirining nishanlirigha hujum qilishining «nahayiti chong xataliq» bolidighanliqini, bundaq bir pozitsiyening muzakire telipigimu uyghun emeslikini qeyt qildi.