биразилийәдики үч түрмидә 42 мәһбусниң җәсити тепилди

биразилийәниң шималий қисмиға җайлашқан амазонас өлкисидики үч түрмидә 42 мәһбусниң җәсити тепилди.

1209716
биразилийәдики үч түрмидә 42 мәһбусниң җәсити тепилди

түркийә авази радийоси хәвири: алдинқи күни амазонасниң манаус шәһиридики анисио җобим түрмисидә җедәл чиқип 15 мәһбусниң өлгәнликини уқтурған алақидар әмәлдарлар, түнүгүнму мәзкур шәһәрдики үч пәрқлиқ түрмидә 42 мәһбусниң җәситиниң тепилғанлиқини билдүрди.

игилинишичә, 42 мәһбус боғуп өлтүрүлгән болуши мумкин дәп қаралмақта икән.

адаләт вә җамаәт хәвпсизлики министирлиқи, түрмиләрдики вәзийәтни контроллуқ астиға елиш үчүн алаһидә қисимларниң әвәтилгәнликини уқтурди.

манаус шәһиридики анисио җобим түрмисидә алдинқи күни зийарәт вақтида мәһбуслар арисида җедәл чиқип, 15 мәһбус өлгәниди.

мәзкур түрмидә 2017 – йилиниң йанвар ейида исйан чиқип 56 мәһбус өлгән, нурғун мәһбус қалаймиқанчилиқтин пайдилинип түрмидин қачқаниди.



مۇناسىۋەتلىك خەۋەرلەر