yemende 76 mingdin artuq mina tazilandi
yemende urush bashlanghan 2015 – yilidin buyan 76 mingdin artuq minaning tazilanghanliqi bildürüldi.
türkiye awazi radiyosi xewiri: yemen xewer agéntliqi –sana (sena) ning xewer qilishiche, döletlik mina tazilash ishliri diréktori emin aqili, insangha ziyan yetküzidighan minalarning ishlitilishini cheklesh kélishimige terep döletlerning jenwede chaqirilghan yighinigha ishtirak qildi.
u yighinda söz qilip, urush tüpeyli yemen zéminlirining oq – dorilargha tolup ketkenlikini, husiylarning nahayiti köp yerge mina kömgenlikini, urush bashlanghandin buyan insangha qarshi 14 ming, tankigha qarshi 62 ming minaning tazilanghanliqini bildürdi.
aqili, husiylarning minalarning herbiy heriketlerning aldini alalmaydighanliqini bilidighanliqini, minalarni puqralarni öltürüsh üchün ishlitiwatqanliqini qeyt qildi. husiylar bolsa, bu heqte héchqandaq bayanat bermidi.
yemen hökümiti, husiylarning öz tewelikidiki rayonlargha bir milyon etrapida mina kömgenlikini ilgiri sürmekte. hökümet terepning sanliq melumatlirigha qarighanda, 2015 – yili marttin 2018 – yili martqiche köpinchisi puqra bolup 1194 adem minagha dessiwélip hayatidin ayrilghan, 2287 adem yarilanghan.
husiylar, 2014 – yilidin buyan paytext sana we bezi rayonlarning kontrolluqini qolida tutup turmaqta, ittipaqdash küchler bolsa, 2015 – yili marttin buyan husiylargha qarshi yemen hökümitini qollap – quwwetlimekte.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
