йәмәндә 76 миңдин артуқ мина тазиланди

йәмәндә уруш башланған 2015 – йилидин буйан 76 миңдин артуқ минаниң тазиланғанлиқи билдүрүлди.

йәмәндә 76 миңдин артуқ мина тазиланди

түркийә авази радийоси хәвири: йәмән хәвәр агентлиқи –сана (сәна) ниң хәвәр қилишичә, дөләтлик мина тазилаш ишлири директори әмин ақили, инсанға зийан йәткүзидиған миналарниң ишлитилишини чәкләш келишимигә тәрәп дөләтләрниң җәнвәдә чақирилған йиғиниға иштирак қилди.

у йиғинда сөз қилип, уруш түпәйли йәмән земинлириниң оқ – дориларға толуп кәткәнликини, һусийларниң наһайити көп йәргә мина көмгәнликини, уруш башланғандин буйан инсанға қарши 14 миң, танкиға қарши 62 миң минаниң тазиланғанлиқини билдүрди.

ақили, һусийларниң миналарниң һәрбий һәрикәтләрниң алдини алалмайдиғанлиқини билидиғанлиқини, миналарни пуқраларни өлтүрүш үчүн ишлитиватқанлиқини қәйт қилди. һусийлар болса, бу һәқтә һечқандақ байанат бәрмиди.

йәмән һөкүмити, һусийларниң өз тәвәликидики районларға бир милйон әтрапида мина көмгәнликини илгири сүрмәктә. һөкүмәт тәрәпниң санлиқ мәлуматлириға қариғанда, 2015 – йили марттин 2018 – йили мартқичә көпинчиси пуқра болуп 1194 адәм минаға дәссивелип һайатидин айрилған, 2287 адәм йариланған.

һусийлар, 2014 – йилидин буйан пайтәхт сана вә бәзи районларниң контроллуқини қолида тутуп турмақта, иттипақдаш күчләр болса, 2015 – йили марттин буйан һусийларға қарши йәмән һөкүмитини қоллап – қуввәтлимәктә.


خەتكۈچ: йәмән , мина

مۇناسىۋەتلىك خەۋەرلەر