tramp: shimaliy koréyening qisqa musapilik bashqurulidighan bomba sinaq qilishidin biaramliq hés qilmidi

türkiye awazi radiyosi xewiri: yaponiyening yéngi émpiratori üchün ötküzülidighan murasimgha ishtirak qilish meqsitide paytext tokyogha barghan tramp, ijtimaiy taratqu tori tiwittérdiki adrési arqiliq shimaliy koréyening qisqa musapilik bashqurulidighan bomba sinaq qilishi toghrisida uchur tarqitip, «shimaliy koréye xelqimning bir qismini biaram qilidighan kichik qorallarni sinaq qildi. biraq bular méni biaram qilmidi» dédi we shimaliy koréye lidiri kim jongunning wediside turidighanliqigha ishinidighanliqini sözlirige ilawe qildi.

tokyoda bügün yaponiye bash weziri shinzo abé bilen golf oynidi. u tünügün nissan, xonda, softbank we rakuténgha oxshash yaponiye shirketlirining wekilliri bilen kechlik ziyapette körüshkenidi.

tramp ziyapet jeryanida söz qilip, amérika qoshma ishtatlirigha meblegh sélish üchün buningdinmu yaxshi pursetning yoqluqini éytqan we sözini dawamlashturup, ikki dölet arisidiki soda tengpungsizliqini adil shundaqla ikki döletke paydiliq rewishte kélishim tüzüsh arqiliq hel qilishni xalaydighanliqini bildürgenidi.

donald trampning yaponiye ziyariti dairiside yaponiye bash weziri shinzo abé bilen amérika – yaponiye ikki terep soda we xewpsizlik munasiwetliri, iran we shimaliy koréye mesililiri toghrisida sözlishishi kütülmekte.