shiwéytsariyede erdoghangha qarshi bashlitilghan heriket qattiq naraziliq qozghidi

shiwéytsariyede xiristiyan démokratlar partiyesining rehbiri abba buschning «jumhur reis rejep tayyip erdoghan rehberlikidiki türkiyeni yawropa ittipaqigha qobul qilmayli» serlewhilik maqalisi qattiq naraziliq qozghidi.

1207306
shiwéytsariyede erdoghangha qarshi bashlitilghan heriket qattiq naraziliq qozghidi

türkiye awazi radiyosi xewiri: yawropa parlaménti saylamliri üchün türkiyege qarshi turush bilen ghelibe qilishqa urunuwatqan buschning, «‹ SVD › géziti» de élan qilinghan, jumhur reis rejep tayyip erdoghan rehberlikidiki türkiyeni yawropa ittipaqigha qobul qilmayli» serlewhilik maqalisi, ammiwi ortaqlishish tor bétide qattiq naraziliq qozghidi.

« Daadir Likar » isimlik bir tordash, bu heqtiki naraziliqini ipadilep mundaq dédi: «erdoghan dunya boyiche eng yaxshi rehber. derweqe, erdoghanning yawropa ittipaqigha éhtiyaji yoq, emma yawropa ittipaqining erdoghangha éhtiyaji bar.»

türkiyediki iqtisadiy özgirishler heqqide toxtalghan « Muath Abukhader » isimlik tordash mundaq dédi: «biraz téléwiziye qanallirigha qarap qoyunglar, yawropa ittipaqining erdoghangha éhtiyaji bar, chünki erdoghan öz dölitini iqtisadiy jehettin qudret tapquzdi, buning türtkiside türkiye yawropa elliri üchün iqtisadiy jehettin nahayiti muhim bir döletke aylandi.»

jumhur reis rejep tayyip erdoghanning dunya rehbiri ikenlikini eskertken yene bir tordash mundaq dédi: «erdoghan peqet türkiyeningla emes, pütkül musulmanlar dunyasiningmu rehbiridur. derweqe, musulmanlar dunyasi erdoghanning islam dunyasi üchün kéche-kündüz tirishchanliq körsitiwatqanliqini obdan bilidu.»

türkiye xelqi we erdoghangha dua qilghan « Ayan Muhammed » isimlik tordash mundaq dédi: «janabiy allah erdoghanni we türkiye xelqini öz panahida saqlighay, erdoghan peqet türkiyening rehbirila emes, yardemge muhtaj köpligen döletlerning xelqlirige insanperwerlik yardem bérqiwatqan bir döletning rehbiridur.»



مۇناسىۋەتلىك خەۋەرلەر