xitayning süniy hemrah qoyup bérish pilani meghlubiyet bilen netijilendi
xitayning « Yaogan-33» namliq yiraqtin sézish süniy hemrahini qoyup bérish pilani meghlubiyet bilen netijilendi.

türkiye awazi radiyosi xewiri: shinxua agéntliqining xewer qilishiche, Yaogan-33» namliq yiraqtin sézish süniy hemrahi döletning shenshi ölkisige qarashliq teyyüen süniy hemrah qoyup bérish merkizidin «‹ Long March )-4C › uzun seper» namliq rakéta arqiliq alem boshluqigha qoyup bérilgen.
süniy hemrah qoyup bérilgendin kéyin rakétaning birinchi we ikkinchi basquchluq paaliyetliri muweppeqiyetlik tamamlanghan, emma üchinchi basquchluq paaliyitide normalsizliqlar körülgen. shuning bilen, süniy hemrah qoyup bérish pilani meghlubiyet bilen netijilengen. süniy hemrah we rakétaning qalduqliri yerge chüshken.
süniy hemrah we rakétaning qalduqlirining qeyerge chüshkenliki heqqide melumat bermigen shinxua agéntliqi, weqening tekshürülüshke bashlanghanliqini uqturghan.
xitayning kontiroldin chiqip ketken «‹tiyengong -1› kök saray - 1» namliq alem boshluqi istansisimu bultur aprél éyida jenubiy tinch okyan terepte, atmésforada pachaqlinip ketkenidi.
igilinishiche, xitay yiraqtin sézish süniy hemrahliri, yer shari xaraktérlik orun belgilesh we közitish süniy hemrahliri, orbitada daimiy alem boshluqi istansisi qurulushi, ay tetqiqati paaliyetliri, mars we yupitérni keshp qilish layiheliri arqiliq 2045 – yiligha barghanda «alem boshluqining rehbiri» ge aylinishni nishan qilmaqta iken.
مۇناسىۋەتلىك خەۋەرلەر

issiq iqlimliq bezi döletlerde qar yaghdi
issiq iqlimi bilen tonulghan seudi erebistan, iyordaniye, liwan we iraqta qar yaghdi.