виладимир путинниң қош кезәк балиси болғанлиқи илгири сүрүлмәктә
русийә пирезиденти виладимир путинниң дада болғанлиқи һәққидики хәвәрләр русийә вә әнглийә мәтбуатлирида қизиқ нуқтаиға айланди.
түркийә авази радийоси хәвири: әнглийәниң «The Daily Telegraph» вә «Daily Mail» гезитлириниң хәвиридә, путинниң 66 йашқа кирип қалғанлиқи вә узун мәзгилләрдин буйан бирликтә йашаватқанлиқи тилға елиниватқан 36 йашлиқ сабиқ тәнтәрбийәчи алина кабаеваниң мудапиәси интайин күчлүк бир дохтурханида путиндин қош кезәк қиз туғқанлиқи билдүрүлди.
хәвәрдә илигири сүрүлишичә, алина кабаева мушу айниң бешида московада толиму алий дәриҗилик вә мудапиәси интайин күчлүк бир дохтурханида балнестқа елинған.
алина кабаева олимпек мусабиқилири алтун медалиғиму еришкән сабиқ тәнтәрбийәчи болуп, у путиндин қоз кезәк балис бозлғанлиқи һәққидә байат беришни рәт қилди.
униңға әң йеқин йәнә мәнбә алина кабаеваниң «учуп йүргән сөзләргә инкас қайтурмаймиз» дегәнлики ейтти.
бу арилиқта русийәдә чиқидиған «Moskovsky Komsomolets» гезити, бу хәвәрни интернет бетидә елан қилип, қисқиғинә вақиттин кейин тордин йуйивәтти.
русийә истихбарат идарисиға йеқинлиқи билән тонулған русийәлик журналист серге каневму алина кабаеваниң опратсийә арқилиқ қош кезәк туғқанлиқини илгири сүргән иди.
